2023 jylǵy 1 shildedegi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 14 762 shetel azamaty eńbek etedi, dep habarlaıdy Egemen.kz QR Eńbek jáne halyqty áleýmettik qorǵaý mınıstrligine silteme jasap.
Shetel jumys kúshin tartýǵa ruqsattardyń arasynda kelesi sanattar bar:
Birinshi sanat - basshylar men olardyń orynbasarlary úshin 537 ruqsat, Ekinshi sanat - qurylymdyq bólimshelerdiń basshylary úshin 2 751 ruqsat. Úshinshi sanat - mamandar úshin 6 598 ruqsat, Tórtinshi sanat - bilikti jumysshylar 833 ruqsat, Maýsymdyq jumystarǵa tartylǵan jumysshylar - 1 940 ruqsat, Korporatıvtik aýystyrý aıasynda 2 103 adam tartyldy.Qazirgi ýaqytta Qazaqstanda ShJK paıdalanatyn 1 751 jumys berýshi bar. Olarda 433,4 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96%-y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 204 adam (35%), aýyl, orman jáne balyq sharýashylyǵy – 1 895 adam (13%), taý – ken ónerkásibi jáne karerlerdi qazý – 1 346 adam (9%), óńdeý ónerkásibi – 1 128 adam (7%), kásibı, ǵylymı jáne tehnıkalyq qyzmet – 850 adam (6%).
Eńbek mıgranttary keletin negizgi elder: Qytaı – 3 729 adam (25%), О́zbekstan – 1 967 adam (13%), Úndistan – 1 461 adam (10%), Túrkııa – 1 454 adam (10%).