Pavlodar qalasynda qoǵamdaǵy ótkir máselelerdi kótergen sýret týyndylary qoıylǵan kórme ashyldy, dep habarlaıdy Egemen.kz.
Ańsaǵan Mustafanyń 50 týyndysy qoıylǵan kórmedegi sýretterde qarttar úıine tapsyrylǵan qarııalar, basqa da túrli keleńsizdikter men qoǵamǵa qaýip keltiretin jaǵdaılar beınelengen, ıaǵnı, kórme sýretteri qoǵamdaǵy máseleler jaıly «sóıleıdi».
Qazaqstandyq sýretshiniń sózinshe, bizdegi máseleler shetelderde de bar, mysaly, ol bizdegideı máseleler Brazılııada da bolýy múmkin dep oılamaǵan. Bul kórme 15 jyl boıy álemdi sharlap, ondaǵan elge qoıylǵan.
Sýretshi keleshekte ekologııa jáne aýyz sý taqyrybynda sýretter salýdy josparlap otyr. Kórme tamyz aıynyń 20-syna deıin jalǵasady.