Shymkentte zańsyz qurylys júrgizgenderge 81 mıllıon teńgeden astam aıyppul salyndy. Sáýlettik-jobalaý talaptaryn buzyp, beıbereket qurylysqa qatysty 165 hattama toltyrylǵan. Bul týraly Qalalyq orta sapasy jáne baqylaý basqarmasynyń ókilderi málim etti, dep habarlaıdy Egemen.kz.
Mamandar shahar turǵyndary tarapynan aryz-shaǵym kóbeıgenin alǵa tartty. Sebebi turǵyn úı keshenderiniń mańynda aıaq alyp júretin jer men avtokólikterdiń turaǵyna oryn qalmaǵan. Sonymen qatar ýádeli áleýmettik nysandardyń ýchaskesinde ózge de ǵımarattar salynyp, qorshaýǵa alynǵan. Tekseris nátıjesinde zańsyz salynǵan 31 nysandy súrý týraly sheshim qabyldandy.
«Qazir qurylys nysandaryn buzý boıynsha 31 materıal sotqa joldanǵan. Onyń 18-ine májbúrlep buzý týraly sot sheshimi shyqqan. Tórteýi sot sheshimine sáıkes buzyldy. Qazirgi tańda taǵy tórteýi appelıasııalyq sotta qaralyp jatr», dedi Qalalyq orta sapasy jáne baqylaý basqarmasynyń basshysy Nurdáýlet Qurbanbekuly.