BILIMNIŃ JAŃA BELESINE

Almatyda elimizdiń bilim berý júıesin damytýdyń 2011-2020 jyldarǵa arnalǵan memlekettik baǵdarlamasynyń jobasyn talqylaǵan keńes bolyp ótti. Jıynda Bilim jáne ǵylym mınıstri Janseıit Túımebaev bul jobanyń respýblıkanyń bilim berý júıesinde osynshalyqty uzaq merzimge arnalǵan birinshi strate­gııa­lyq qujat ekendigin atap kór­setti. Bilim berýdi damytýdyń 2011-2020 jyldarǵa arnalǵan memlekettik baǵdarlamasy bilim berýdiń búkil júıesin jetildire jańalandyrýdy kózdeıdi. Ol jańashyldyq úderisteri qarjy­lan­­dyrý salasyn da, sondaı-aq mu­ǵalimniń mártebesin kóterýge, basqarýǵa, aqparattandyrýǵa, bilim mazmunyna baılanysty tolyp jatqan basqa máselelerdi de qamtıdy. Aıtalyq, bilim berýdi qarjy­lan­dyrýdyń jańa tetikterin ázir­leý pedagog biliktiligin kóterý isine vaýcherlik qarjylandyrýdy engizýdi qarastyrady. Baǵdarlama qabyldanǵannan keıin muǵalimder óziniń kásibı deńgeıin jetildiretin oqý nemese ǵylym mekemesin ózderi tańdaıdy. Muǵalim mamandyǵynyń már­te­besin kóterý jaıyna kelsek, J.Túı­mebaev bul oraıda pedagog­tar­dyń ortasha jalaqysyn elimiz­degi orta jalaqy deńgeıine jetkizý josparlanyp otyrǵan­dy­ǵyn má­lim etti. Sondaı-aq oqy­tý ke­zinde aǵylshyn tilin paı­dalana­tyn pán muǵalim­de­riniń sanyn kó­beıtý kózdelýde. 2015 jylǵa deı­in olar­dy muǵa­limderdiń jal­py sanynyń 15 paıyzyna, 2020 jyl­ǵa qaraı 30 paıyzyna deıin jet­kizý jospar­lanyp otyr. Mınıstr Qazaqstan Prezı­den­ti Nursultan Nazarbaevtyń qa­tysýymen ótken keshegi Shetel ın­vestorlary keńesiniń otyry­syn­da sońǵy 15 jylda qazaq­stan­­dyq rynokta álemniń eń belgili kompanııalary belsendi ju­mys istep jatqandyǵy aıtyl­ǵandyǵyn eske saldy. Biraq olar dál búgingi kúnge deıin kadr má­selesinde úlken qıynshylyq­tardy bastan keshirýde. О́kinishke oraı, bizdiń joǵary oqý or­yn­darymyzdyń, kásiptik lıseıler men kolledj­de­rimizdiń kópshiligi olardy halyq­aralyq standart­tarǵa jaýap bere alatyn deń­geı­degi mamandarmen qamtamasyz eter­lik jaǵdaıda emes. Bul jaı­lardy J.Túımebaev qynjyla til­ge tıek etti. Bilim berýdi damytýdyń 2011-2020 jyldarǵa arnalǵan memle­kettik baǵdarlamasynyń jobasy keńeste keleli talqyǵa túskennen keıin Bilim jáne ǵylym mınıstri jıynǵa qatysqan barlyq joo-lardyń, oblystyq jáne aýdandyq oqý bólimderiniń basshylaryn, ataqty ǵalymdar men jańashyl ustazdardy osynaý qujatty óz ujymdarynda talqylap, ony jaqsartý úshin naqty usynystar berýge shaqyrdy. Mınıstrdiń só­zine júginsek, bilim berý salasyn damytý jalpy qoǵamdy damytý degen sóz. Sondyqtan, talqylaý ne­ǵurlym salıqaly bolsa, jańa baǵdarlama qoǵamnyń arman-úmitine soǵurlym saı kelip, jas urpaqty bilimniń jańa belesine jetelemek. Qorǵanbek AMANJOL.