Kerekýdegi bilim berý uıymdaryn kúrdeli jóndeý salasyn bıyl taǵy berekesizdik jaılap tur. Marǵaý merdigerlerdiń kesirinen birneshe mektep 1 qyrkúıekte ashylmaı qalýy múmkin. Sharbaqty aýdany men Pavlodar qalasynda osyndaı keleńsizdik tirkelip otyr.
Merdigerlerdiń jaýapsyzdyǵyna qatysty soraqylyqtyń kókesin byltyr kórgenbiz. Jańartý baǵdarlamasyna ilikken 46 mekteptiń 17-sinde jóndeý jumystary ýaqtyly aıaqtalmaı, kóptegen aýyldyń oqýshylary kúzde mádenıet úıi men bastaýyshqa arnalǵan aıadaı ǵana ǵımarattarda bilim alýǵa májbúr bolǵan. О́ńirdiń bilim berý basqarmasy jóndeýdi merziminde aıaqtaı almaǵan merdigerler boıynsha sotqa 20-dan asa talap-aryz bergenimen, jaǵdaıdy durystaı almady. Keıbir bilim berý uıymyndaǵy jumystar qysqa deıin jalǵasqan.
Jergilikti jaýapty organdar byltyrǵy jaǵdaıdan tıisti sabaq almaǵandaı. Qazirdiń ózinde oblys boıynsha úsh birdeı mekteptegi kúrdeli jóndeý jumystary kesteden aıtarlyqtaı qalyp qoıǵan. Jańa oqý jyly bastalýǵa bir aıdaı ýaqyt qana qalǵanyn eskersek, nysandardyń merziminde tapsyrylatynyna kúmán mol.
Sharbaqty aýdanynyń Jańaýyl, Hmelnıskıı jáne Pavlodar qalasynyń №5 mektepterin kúrdeli jóndeýge qazynadan 340 mln teńge bólingen eken. Bul úsh joba da keshigip jatyr. Buǵan qosa Pavlodar aýdanynyń Sychıovka atalatyn eldi mekenindegi jańa mekteptiń qurylysy da konkýrsty jeńip alǵan fırmanyń jaýapsyzdyǵynan aqsap tur. Al Jelezın aýdanynyń Moıseevka jáne Baıanaýyldyń Qarajar aýyldaryndaǵy jańa bilim berý ordalarynyń qurylysy oıdaǵydaı júrgizilip jatyr.
О́ńirlik qarjy basqarmasynyń basshysy Jeńis Shaqatovtyń málimetinshe, Pavlodar qalasynda salynyp jatqan (joba quny – 331 mln teńge) shańǵy jáne bıatlon ǵımaratynyń qurylysy, Baıanaýyldyń Birlik, Egindibulaq, Uzynbulaq aýyldaryna tartylyp jatqan kóshe jaryqtary júıesi ýaqytynda aıaqtalmaıtyny da anyqtalyp otyr. Aqtoǵaı aýdanynyń Qaraoba aýylyndaǵy jańa deneshynyqtyrý-saýyqtyrý kesheni men Baıanaýyldyń Jumat Shanın atyndaǵy eldi mekenindegi ortalyqtandyrylǵan aýyz sý júıesi de bıyl iske qosylmaıtyny anyq deıdi ol.
– 2021 jyly Jumat Shanınge sý qubyryn tartý boıynsha memlekettik konkýrsty «Kólsaı Stroı» degen kompanııa utyp alady. Sonaý Almaty qalasynda ornalasqan bul merdiger aqyr aıaǵy jaýapsyzdaý bolyp shyqty. 2021 jyly bıýdjetten bólingen 394 mln teńgeniń nebári 8,5 mln teńgesin ıgerip, jumysty tastaı qashqan. Sondaǵy syltaýy – aýyldyń sol jaq bóligi ornalasqan jerdiń topyraq jynysy qatty, tas kóp, tehnıkalarymyz óte kóp qıyndyqpen alyp jatyr, bólingen qarajat jetpeıdi dep jaltardy. «Sý qubyryn qaıta qurý» jobasyn merdiger qaıta túzetip, qarajat qosýdy talap etti. Sóıtip, onyń zardabyn taǵy halyq tartyp, sý qubyryn jańartý isi taǵy eki jylǵa shegerilgen, deıdi J.Shaqatov.
Baıanaýyl aýdanynyń ákimdigi byltyr kóktemde jobany orta jolda qaldyryp ketkeni úshin fırmany sotqa berdi. Alaıda Pavlodar oblysynyń aýdanaralyq soty talap-aryzdy qanaǵattandyrýdan bas tartyp, apellıasııalyq shaǵymdy da keıin ysyrǵan. Al «Kólsaı Stroı» JShS-ǵa jumysty shilde aıynda jalǵastyrýǵa tıis degen talon-habarlama berildi. Biraq kompanııa taǵy óz jaýapsyzdyǵyn kórsetip, jer qazý sharalaryna tek 25 qyrkúıekte kirisedi. Qys boıy jumysy toqtap turǵan fırma bıyl kóktemde taǵy keshigip bastaǵan. Sonyń saldarynan aldaǵy kúzde josparly sý qubyry iske qosylmaıtyny baıqalýda. Aýyl turǵyndary bıyl taǵy sapaly aýyz sýǵa qol jetkize almaı sory qaınap otyr.