Qostanaı – Sarykól tas jolynda jol apaty bolǵan, dep habarlaıdy Egemen.kz.
VAZ-21099-dyń 22 jasar júrgizýshisi kólik tizginine ıe bola almaı, joldyń qarsy betine shyǵyp ketip, Toyota Alphard kóligimen betpe-bet soqtyǵysqan. Onda úsh jolaýshy bolǵan, arasynda júkti áıel bar.
Soqtyǵysqan atalmysh eki kóliktiń júrgizýshileri alǵan jaraqattarynan qaıtys boldy. Túrli jaraqattar alǵan úsh jolaýshy aýrýhanaǵa jetkizilgen.
QR QK 345-babynyń 4-bóligine sáıkes sotqa deıingi tergeý bastaldy. Bolǵan oqıǵanyń barlyq mán-jaılaryn anyqtaý úshin qajetti tergeý áreketteri júrgiziledi.