Dástúrli túrde uıymdastyrylatyn «Birjannyń inileri, Saranyń sińlileri» respýblıkalyq aıtysyna áýlıetalyq aqyndar da qatysty. «Almaty tv» telearnasy túsirgen aıtys básekesinde óńirdiń júırikteri joǵary deńgeıde óner kórsetip, oljaly oraldy.
Elimizdiń ár qıyrynan jalpy sany 28 úmitker topqa túsken dodada Jambyl oblysynan tórt aqyn baq synady. Tórteýdiń ekeýi úzdikterdiń qatarynan kórindi.
Shymkenttik Nurlan Esenqulovpen aıtysqan áýlıeatalyq Altynkúl Qasymbekovanyń ónerin qazylar alqasy da, ónersúıer qaýym da joǵary baǵalady. Jeńge men qaıny aıtysynyń tamasha úlgisin kórsetken atalǵan juptyń sóz saıysy rasymen de sátti shyqty.
Atyraýlyq Farıza Jetpisbaımen sóz saıysqa túsken jambyldyq Muhtar Qonarbaev ta aıanyp qalǵan joq. Qyz ben jigit arasynda órbigen aıtysta jerlesimiz qarsylasynyń ádemi ázilderine utymdy jaýaptar qaıtaryp, óziniń babynda ekenin kórsete bildi. Sondaı-aq Turar Rysqulov aýdanynyń týmasy Aıtbek Tursynbaı men shyǵystyq Bıbigúl Taýbaldıeva, Jambyldyń úkili úmiti Alına Aıdaraly men almatylyq Aqnıet Jubanysh arasyndaǵy aıtystar da qazylardyń kóńilinen shyqty.
Respýblıkalyq deńgeıde uıymdastyrylǵan aıtys alamanynda óńir namysyn qorǵaǵan Altynkúl Qasymbekovaǵa júldeli ekinshi oryn buıyrsa, Mutar Qonarbaev úzdik úshtikti qorytyndylady.