Elordanyń aınalma jolyndaǵy temirjol ústinen ótetin avtokólikke arnalǵan kópirge kúrdeli jóndeý jumystary bastalǵaly sol baǵyttaǵy kólik kidiristeri kóbeıip, jurtqa qolaısyzdyq týdyryp kelgeni ras. Endigi bir qýanarlyǵy, atalǵan joldyń qurylysy merziminen buryn aıaqtalyp otyr.
«Astana qalasynyń úlken aınalma jolynyń» 4-shi shaqyrymyndaǵy temirjol arqyly ótetin ótkelde kúrdeli jóndeý jumystary aıaqtalǵaly tur. Bul ótkel apatty dep tanylǵany málim. Qazir negizgi qurylys-montajdaý jumystary tolyqtaı aıaqtalǵan. Atap aıtarlyǵy, jol ótkeli tolyq derlik jańadan salyndy.
Sóıtip, negizgi qurylymdary nyǵaıyp, burynǵydan áldeqaıda jaqsara túsken. Qazirgi ýaqytta jaılastyrý jumystary júrgizilip jatyr. Jol ótpesinde tórt jolaqty qozǵalys qamtamasyz etildi. Kólik qozǵalysynyń boljamdy qarqyndylyǵy táýligine 19-20 myń avtokólikti quramaq.
Kúrdeli jóndeý jumystarynyń nátıjesinde R-10 tasjolynyń ótkizý qabileti artyp, kólikter men poıyzdardyń qozǵalys qaýipsizdigi qamtamasyz etilmek. Qurylys-montajdaý jumystary belgilengen ýaqyttan buryn aıaqtaldy.