Oblystyq jedel medısınalyq járdem stansııasynyń bazasyndaǵy oqý-sımýlıasııalyq ortalyǵynda 400-den astam jedel járdem qyzmetkeri halyqaralyq standarttar boıynsha oqytylǵan. Dárigerler men feldsherler maneken-robottarynda biliktiligin arttyrady, dep habarlaıdy Egemen.kz.
Oblys ákimdiginiń resmı saıtynyń málimdeýinshe, jabdyqtar oblystyq bıýdjet qarajatyna satyp alynǵan. Manekenderden bólek trenajerlar da bar. Sonymen birge jedel járdem brıgadalary paıdalanatyn defıbrıllıatorlar, jeldetkishter, kardıograftar, reanımasııalyq jıyntyqtar jáne taǵy basqa jabdyqtardyń barlyǵy bar.
«Biz jedel járdem qyzmetkerlerin reanımasııalyq is-sharalar ótkizýge, halyqaralyq standarttar boıynsha shuǵyl medısınalyq kómek kórsetýge úıretemiz. Qazirgi ýaqytta Galileo Medical Center (Izraıl) qamqorlyǵymen daıyndyqtan ótken eki halyqaralyq nusqaýshy jumys isteıdi. Jaqyn arada nusqaýshylar shtaty altyǵa deıin ulǵaıtylady. Bizde eresekter úshin de, balalar úshin de negizgi jáne keńeıtilgen reanımasııa daǵdylaryn pysyqtaýǵa arnalǵan 12 maneken-trenajer bar», deıdi oqý-sımýlıasııalyq ortalyǵynyń basshysy Vıacheslav Rogozın.
Sondaı-aq ortalyqta dıspetcherlerdiń biliktiligin arttyrý úshin qońyraýlardy qabyldaý-taratý ımıtatory jumys isteıdi. Shetelderdegideı dıspetcher tótenshe jaǵdaıdyń kezinde qońyraýdy árdaıym ustap turady, ne isteý kerektigin túsindiredi.
Vıacheslav Rogozınniń aıtýynsha, jedel járdem qyzmetkerlerin oqytý aǵymǵa qoıylady. Oblystyń barlyq qalalary men aýdandarynyń qyzmetkerleri ózderiniń kásibı daǵdylaryn shyńdaı alady. Mindet – tótenshe jaǵdaılardaǵy barlyq áreketterdi avtomatızmge deıin pysyqtaý.
Alǵashqy medısınalyq kómek kórsetý ádisterine aldaǵy ýaqytta jedel járdem kólikteriniń júrgizýshilerin úıretý josparlanǵan. Soǵan qosa barlyq tilek bildirýshilerdi – medısınaǵa etene jaqyn emes adamdardy oqytý da josparda bar eken, atalǵan jospar, árıne, bireýdiń ómirin saqtap qalýǵa múmkindik berýi yqtımal.
Oblystyq jedel járdem qyzmetinde 1500-ge jýyq adam - dárigerler, feldsherler, júrgizýshiler jumys isteıdi.