Taraz qalasyndaǵy «Anaǵa taǵzym» otbasyn qoldaý ortalyǵynda «Mereıli otbasy – 2023» ulttyq baıqaýy óńirlik kezeńiniń qorytyndysy shyǵarylyp, marapattaý rásimi uıymdastyryldy. Is-sharaǵa oblys ákimi Nurjan Nurjigitov qatysyp, baıqaý qorytyndysynda úzdik atanǵan otbasylardy marapattady.
«Búgingi bala – erteńgi bolashaǵymyz. Jas urpaqty tárbıeleýde ata-ananyń róli men otbasy qundylyǵynyń mańyzy orasan zor. О́ńirde ónegeli otbasylar az emes. Qazaq halqy qaı kezde de úlkendi qadirlegen. Ulttyq dástúrden tamyryn úzbegen otbasylardyń árbir ulaǵatty isine shyn kóńilmen qýanamyz. Elimiz boıynsha altynshy ret uıymdastyrylyp otyrǵan bul baıqaýdyń jambyldyqtar úshin mańyzy zor ekeni málim. О́ıtkeni úlgili, mereıli otbasy – qoǵam aınasy», dedi óńir basshysy marapattaý rásiminde sóılegen sózinde.
Baıqaý qorytyndysyna sáıkes, óńirlik kezeńde qarsylastarynan oq boıy ozyq bolǵan shýlyq Madalıevter otbasy bas júldege laıyq dep tanylsa, moıynqumdyq Isabekovter otbasyna júldeli birinshi oryn buıyrdy. Sondaı-aq júldeli ekinshi oryndy tarazdyq Smetovter men О́tepovter otbasy ózara bólisse, úzdik úshtikti jýalylyq Surymbaevtar jáne talastyq Imanbaevtar otbasy qorytyndylady.
Marapattaý rásiminiń sońynda sóz alǵan Madalıevter otbasynyń otanasy Shymshyq Madalıeva óńirlik baıqaýdyń urpaq tárbıesindegi mańyzyna toqtaldy. Al óńirlik kezeńniń jeńimpazdary men júldegerleri qomaqty qarjylaı syılyqqa ıe boldy.