Dárigerler Qaraǵandy oblysy boıynsha balalarǵa arnalǵan arnaýly áleýmettik qyzmet kórsetý ortalyǵynda jappaı ýlanǵan balalardyń qazirgi jaǵdaıy týraly aıtty, dep habarlaıdy Egemen.kz.
Oblystyq densaýlyq saqtaý basqarmasy eki balanyń aýrýhanadan shyǵarylǵanyn aıtty.
«Qazirgi tańda eki balanyń jaǵdaıy jaqsaryp, aýrýhanadan emdelip shyqty. Olar dárigerdiń baqylaýynda bolady. Qazirgi tańda emhananyń medısına qyzmetkerleri kezekshilik uıymdastyryp, balalardyń jaǵdaıyn baqylap júr», dep habarlady Qaraǵandy oblysy ákimdiginiń baspasóz qyzmeti.
Al stasıonarda emdelip jatqan balalardyń jaǵdaıy turaqty.
Aıta keteıik, 1 tamyz kúni Qaraǵandy oblysyndaǵy múmkindigi shekteýli balalarǵa arnaýly áleýmettik qyzmet kórsetý ortalyǵynda jappaı ýlaný faktisi tirkeldi. Saldarynan bir bala qaıtys bolyp, taǵy altaýy jansaqtaý bólimine jatqyzylǵan edi.