Innovasııalyq mı ımplantaty sal aýrýyna shaldyqqan adamnyń sezimtaldyǵy men qozǵalǵyshtyǵyn ishinara qalpyna keltirdi.
Nıý-Iorktegi Northwell Health Feınshteın medısınalyq zertteýler ınstıtýtynyń sarapshylary 2020 jyly súńgýir apattan keıin keýde tusynan tómen sal bolyp qalǵan 45 jastaǵy Kıt Tomastyń júıke júıesin shýnttaý operasııasyn sátti aıaqtady.
Hırýrgtar Tomastyń mıyna mıkrochıpterdi ımplantasııalap, onyń mıyn dene men julynǵa qaıta qosý úshin jasandy ıntellekt algorıtmderin engizgen edi.
Osy jyldyń naýryz aıynda Soltústik Shor ýnıversıtetiniń aýrýhanasynda 15 saǵatqa sozylǵan ashyq mı operasııasynyń nátıjesinde Tomastyń sal aýrýyna shaldyqqan denesi men onyń mıy arasynda «elektrondy kópir» paıda bolǵan. Operasııadan tórt aı ótken soń, ǵalymdar kópir bolǵan protez oń nátıje kórsetkenin baıqady.
«Biz julynyndaǵy zaqymdalǵan tizbekterdi qalpyna keltiretin elektrlik ımpýlstardy engizemiz, ol sezim músheleri men júıke arasyndaǵy baılanystardy nyǵaıtady», dedi Nıý-Iorktegi neırondyq shýnttaý zerthanasyn basqaratyn ınjener Chad Býton.
Osy tehnologııany paralıchpen ómir súretin adamdarǵa tolyqqandy jáne táýelsiz ómir súrýge múmkindik berý úshin paıdalaný – ýnıversıtet ǵalymdarynyń basty maqsaty.
Karıma JUMAǴALI,
Qorqyt ata atyndaǵy Qyzylorda ýnıversıtetiniń stýdenti