Grýzııanyń Batýmı qalasynda Golden Fleece halyqaralyq óner festıvali ótti. Shyǵarmashylyq dodada Grýzııa jáne Ýkraına eliniń jas ónerpazdarymen birge baq synaǵan atyraýlyq oqýshylar birinshi júldeni ıelendi.
Máselen, «Dástúrli án» atalymynda «Narkesken» dombyrashylar ansambli birinshi júldege ıe boldy. Al Baqdáýlet Bısenbaı, Ahmet Baıtursyn, Aqbota jáne Baıan Baıbolat sekildi dombyrashylar úzdik dep tanyldy.
«Biz Grýzııadan keıin Zhuldyz art Kazakhstan halyqara- lyq baıqaýyna qatystyq. Bul baıqaýda da sátti óner kórsettik, – deıdi ónerli balalardy daıyndaǵan ustazy Altyn Jumatına. – Mektebimizdiń oqýshylary «Vokal», «Halyq áni», «Dombyra» atalymynda júldeli oryndardy ıelendi. Estradalyq án oryndaýda bas júldeni Nazerke Manarbek, Aızere Ǵazızova, Manas Maqsat, Nurmuhamed Dosqalı jeńip aldy. Jas ánshi Arystan Nyǵmetolla men «Aqsuńqar» halyq ansambli bedeldi halyqaralyq baıqaýdyń jeńimpazy atandy. Sondaı-aq qazylar alqasy Aıarý Tursynǵalı men Ámına Vladımır qurǵan «Altyn-Alma» bı dýetiniń ónerine birinshi júldeni berdi.