Orman da qamqorlyqqa zárý

Tabıǵatty qorǵaý qyzmeti aıasynda Dúnıejúzilik jaba­ıy ta­bıǵat qory (WWF) stra­tegııalyq áriptestikte joıy­lyp bara jat­qan ormandardy qalpyna kel­tirý úshin Naturella brendimen bir­lesip «Orman kúzetshisi» jo­ba­syn iske asyrǵan bolatyn. Atal­ǵan kompanııa túsken qa­ra­­jattyń bir bóligin «Ile-Bal­qash» memlekettik tabıǵı rezer­vatynyń aýmaǵyndaǵy to­ǵaıly ormandar ekojúıesin qal­pyna keltirýge jáne saqtaýǵa baǵyttap otyr.

Ile ózeniniń atyraby jáne Ońtústik Balqashtyń sýly-bat­paqty aımaqtary sırek toǵaı­ly ormandarmen kómkerilgen. ­Jer­diń qurǵap ketýi, adam­dar­dyń tabıǵatqa selqos qa­raýynan týyndaıtyn órt saldary osy toǵaıly ormandar­dyń joıylýyna, rezervattyń florasy men faýnasyna, aýa sapasyna keri áserin tıgizedi.

Joba aıasynda órtengen to­ǵaı­ly ormandar ýchaskelerine ke­shendi zertteý júrgizý, órtke qar­sy is-sharalardy júrgizý úshin eriktiler tobyn oqytý, tań­dal­ǵan ýchaskelerge kóshetter otyr­ǵyzý jáne kútim jasaý jos­par­lanǵan. Osy oraıda «Ile-Bal­qash» rezervatynyń 4 gektar or­mandy alqaby qalpyna kel­tirilmek.

Dúnıejúzilik jabaıy tabı­ǵat qorynyń ormandy qalpy­­na keltirý jónindegi jobala­ry­­nyń jetekshisi Aıbek Baıbu­lov ­ja­syl jelekti alqaptar­dy ­qor­ǵaý, olardy saqtap qalý­­dyń mańy­zyna toqtaldy. Onyń aıtýynsha, jasyl jelekti al­qaptardy mekendeıtin jaba­ıy janýarlarǵa da qamqorlyq qajet, sonymen qatar jań­byr­dan keıin ylǵal jınap, jaz kezinde tabıǵı sý rette­gish­te­ri bolyp tabylatyn to­ǵaı­ly alqaptardyń adamzat tirshi- ligi úshin mańyzy zor. «Ile-Bal­qash» rezervatyn qoldaýǵa baǵyttalǵan joba nátıjesinde otyrǵyzylǵan ár kóshet ýaqyt ótken saıyn jaıqalǵan alqapqa aınalatynyna senim mol.

Dúnıejúzilik jabaıy tabı­ǵat qory osy jobany iske asyryp, ári qaraı jalǵastyrý­da eriktilerdiń, fermerlerdiń, jer­gilikti turǵyndardyń, ıaǵnı ekologııaǵa beıjaı qaramaıtyn azamattardyń kómegine senim artady.

Ortalyq Azııadaǵy Proc­ter&­Gamble basshysy Rýslan Gam­zaev atap ótkendeı, ortaq úıi­miz retinde aıalaı otyryp, ta­bı­ǵatty qorǵaý uıymdarymen yn­ty­maqtastyqqa jáne ekologııa­ny saqtaýdy nasıhattaýǵa keńinen jol ashýǵa tıispiz. Qazaqstan­nyń orman baılyǵyn saqtaýǵa baǵyttalǵan keshendi jobaǵa qa­tysýshylarynyń pikirinshe, toǵaıly ormandardy qalpyna keltirýde jańa baǵdarlama­lar­dy iske qosý da josparda ­bar. Búginde Dúnıejúzilik jaba­­ıy tabıǵat qory (WWF) álemniń 100-den asa elinde tabıǵat qor­ǵaý isimen aınalysyp, ekologııany jaqsartý, tabıǵat úılesimdiligine qol jetkizý men bıologııalyq alýantúrlilikti saqtaýǵa yqpal etip keledi.