Beısenbi, 3 tamyzda sınoptıkter Almaty men Aqtóbeniń aýasynda zııandy zattardyń normadan joǵary bolatynyn boljap otyr, dep habarlaıdy Egemen.kz.
«Qazgıdromet» mamandarynyń aıtýynsha, 3 tamyzda Almaty men Aqtóbe turǵyndaryn qolaısyz meteorologııalyq jaǵdaı kútip tur. Aýadaǵy zııandy qospalardyń mólsheri artady.
Qolaısyz aýa-raıy jaǵdaılary (QMJ) – atmosferalyq aýanyń betki qabatynda zııandy (lastaýshy) zattardyń jınalýyna yqpal etetin qysqa merzimdi meteorologııalyq faktorlardyń (jeńil jel, tuman, ınversııa) jıyntyǵy. QMA jaǵdaıynda eldi mekenderdegi atmosferalyq aýanyń sapasy nasharlaýy múmkin.
Lastaný deńgeıiniń qalyptasýyn anyqtaıtyn mańyzdy faktorlardyń biri sınoptıkalyq jaǵdaıdy boljaý (jel, jaýyn-shashyn, ylǵaldylyq, aýa temperatýrasy).
Osy kúni sınoptıkterdiń habarlaýynsha, Qazaqstannyń 16 oblysynda daýyldy eskertý jarııalandy. 11 oblysta aptap ystyq, keı óńirlerde 41 gradýsqa deıin ystyq bolady.