Aqtóbe oblysynda kámeletke tolmaǵan júrgizýshi adam ólimine ákelip soqqan jol apatyna tústi. Saldarynan 3 jasar bala jedel járdem kóliginde qaıtys boldy, dep habarlaıdy Egemen.kz.
Qaıǵyly oqıǵa 2 tamyz kúni saǵat 21:30 shamasynda Mártók aýdany Saryjar aýylynda bolǵan. Áıteke bı kóshesimen júrip kele jatqan 17 jastaǵy VAZ-21140 avtokóliginiń júrgizýshisi joldyń júris bóliginen ótip bara jatqan 28 jastaǵy jaıaý júrginshi men eki kámeletke tolmaǵan balany qaǵyp ketti.
Saldarynan 3 jasar bala jedel járdem kóliginde qaıtys boldy, qalǵan eki jaıaý júrginshi oblystyq aýrýhanaǵa jatqyzyldy.
QR QK 345-baby 3-bóligi boıynsha sotqa deıingi tergeý júrgizilip jatyr.