QR Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda aǵymdaǵy jyldyń 17-21 shilde aralyǵynda Shyǵys Qazaqstan oblysynda din máseleleri jónindegi respýblıkalyq aqparattyq-túsindirý tobynyń (RATT) mamandarynyń qatysýymen dindar áıelder arasynda dinı ekstremızmniń taralýyn aldyn alýǵabaǵyttalǵan semınarlar jáne ártúrli formattaǵy is-sharalardy uıymdastyrý sheńberinde óńirturǵyndarymen birqatar kezdesýler ótkizildi, dep habarlaıdy Egemen.kz.
Atalǵan kezdesýlerge RATT múshelerinen (teologtar, dintanýshylar) – Qojahmetova T.Z., Soltan R., Novıkova S.N., Kıkýmova A.Z. tartyldy.
RATT músheleriniń qatysýymen О́skemen qalasy, Glýbokoe, Altaı, Úlken Naryn, Katonqaraǵaı aýdandary, Soldatovo, Katonqaraǵaı aýyldarynyń dostyq jáne mádenıet úıleri, óńirlerdegi ortalyq kitaphana men aýdandyq aýrýhana qyzmetkerlerimen, meshittegi áıel jamaǵaty, áleýmettik osal toptaǵy áıelder men kópbalaly analarmen jáne t.b qatysýshylarmen semınarlar jáne kezdesýler ótkizildi.
О́tkizilgen is-sharalarda óńirlerdińturǵyndaryna teris dinı aǵymdardyń belgileri, Qazaqstan Respýblıkasyndaǵy jalpy bilim berýdiń zaıyrly sıpaty, áleýmettik jelilerdegi Qazaqstandaǵy hıdjab týraly dıskýrstar týraly aqparattar berildi.
Sarapshylar dinniń rýhanı-adamgershilik quramdas bóligi máselelerine, qazirgi qoǵamdaǵy dindar áıelderdiń róli men áleýmettik mártebesin, sondaı-aq áıelder arasynda dinı saýattylyqty arttyrýǵa, destrýktıvti dinı aǵymdardyń áserine qarsy turý sharalaryna erekshe nazar aýdardy.
Tyńdaýshylar tarapynan da RATT múshelerine birqatar suraqtar qoıylyp, tujyrymdy jaýaptar alyndy.