2023 jylǵy 27 shildede Ulttyq qaýipsizdik komıtetiniń Aqmola oblysy boıynsha departamenti prokýratýranyń úılestirýimen Ulttyq ulandy jumyldyra otyryp júrgizgen jedel-tergeýlik is-sharalar nátıjesinde «Azamattarǵa arnalǵan úkimet» Memlekettik korporasııasy» kommersııalyq emes uıymynyń jergilikti bólimshesi bastyqtarynyń birin ustady, dep habarlaıdy Egemen.kz.
Ol Qazaqstannyń asa mańyzdy aqparattyq ınfraqurylymyna jatatyn derekter bazasyndaǵy jer ýchaskelerine qatysty málimetterdi ózimshildik nıetpen zańsyz ózgertti degen kúdikke ilindi.
Qazaqstan Respýblıkasy Qylmystyq kodeksiniń 206-babynyń 3-bóligimen (aqparatty quqyqqa syıymsyz joıý nemese túrlendirý) qarastyrylǵan qylmystyq zań buzýshylyq belgileri boıynsha tergep-tekserý júrgizilýde.
Kókshetaý qalasynyń soty kúdiktige qatysty qamaýǵa alý túrindegi bultartpaý sharasyn sanksııalady.
О́zge aqparat Qylmystyq-prosesstik kodekstiń 201-babyna sáıkes jarııa etýge jatpaıdy.