Álemdi tańǵaldyrǵan erekshe jandar

Ujym qazir kishi, orta jáne eresek degen úsh topqa bó­­lingen. Osy jolǵy baıqaýǵa úsh ji­git pen úsh qyzdan tu­ra­tyn ere­sekterdiń shaǵyn qu­ramy ǵana qatysty. Jalpy, bul ujym­nyń ereksheligi týraly da buryn jazǵanbyz. Olar 17 jyl buryn Petropavldaǵy qu­laǵy estimeı, ymmen ǵana sóı­lesetin balalardyń mektep-ınternatynda qurylǵan. Mundaǵy balalardyń bıge ıkemi zor ekenin tanyǵan kási­bı bıshi Olga Rostovshıkova olar­dyń arasyna kelip, osy ujym­dy qurǵan. Mektepti biti­rip, eresekter qataryna engen ujymdy jergilikti bılik S.Muqanov atyndaǵy qazaq teatry ujymynyń janyna ornalastyrdy.

Densaýlyqtarynda kinárat bar – qulaǵy estimeı, ymmen ǵana sóılesetin jandar­dy bı ónerine baýlýdyń qansha­lyq­ty eńbekti talap etetini bel­gili. Olardan: «bı ónerin úı­re­tetin ustazdaryńdy qalaı uǵa­syńdar?» dep suraǵanymyzda júrek tustaryn kórsetip jaýap berdi. Budan artyq jaýap ta joq bolar.

Talmaı talaptanyp, erin­beı eńbektengenniń arqasyn­da bul ujym bas aınaldyrar bıik­terge qoljetkizdi. Ústi­mizdegi jyldyń mamyr aıyn­da ǵana óner ujymy Dýbaı­da ótken «Dance-fest Dubai» atty horeografııalyq óner­diń álemdik baıqaýynda Bas júldeni jeńip alǵan bolatyn. Ol kezde konkýrsqa alty memleketten 200-deı óner ujy­my qatysqan edi. Onyń aldynda ujym AQSh-ta da óner kórsetip, Gran-prıdi utyp alǵan.

Endi mine, Qyzyljardyń ujymy Ispanııa baıqaýyn da qanjyǵasyna bókterip otyr. Maqtanyp ketýdi, asyra sóı­leýdi bilmeıtin ujym músheleri qýanyshtaryn tek jalyndaǵan, jarqyldaǵan kóńil-kúıimen ǵana jetkizdi. Al ujymnyń jetekshisi Olga Rostovshıkovanyń ózi jer qoz­ǵalsa qozǵalmaıtyn sabyrly jan. Oblys ákimi Aıdarbek Saparov ony qabyldap, úlken jeńisterimen quttyqtaǵanda da sabyrly qalpynan tanba­dy. Ákim ujym músheleri men onyń jetekshisine zor tabystar tilep, senim bildirdi. О́ńir basshysy óner ujymyna barlyq materıaldyq ta, teh­nı­kalyq ta jaǵdaı jasal­ǵanyn, aldaǵy ýaqytta da osyndaı qoldaý kórsetile beretinin jetkizdi.