«Qazgıdromet» RMK 8 tamyzǵa arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń derekterine súıensek, atmosferalyq frontaldy bólikterdiń ótýine baılanysty elimizdiń basym bóliginde kún qubylmaly bolady. Eldiń basym bóliginde jańbyr jaýyp, soltústik-batysta, shyǵysta, eldiń ońtústik-shyǵysyndaǵy taýly aımaqtarda naızaǵaı oınap, burshaq jaýady, daýyl turady.
Qazaqstannyń batysynda ǵana kún jaýyn-shashynsyz bolady. Respýblıka boıynsha ekpindi jel soǵady. Qazaqstannyń soltústik-batysynda túnde jáne tań ata tuman túsedi.
Kúndiz Atyraý, Batys Qazaqstan oblystarynda 35-39°s aptap ystyq bolady, Mańǵystaý oblysynda 38-41°s ystyq saqtalady.
Aqmola, Atyraý, Batys Qazaqstan, Soltústik Qazaqstan oblystarynyń batysynda, shyǵysynda, Pavlodar oblysynyń ońtústiginde, shyǵysynda joǵary órt qaýpi saqtalady.
Mańǵystaý, Túrkistan, Almaty, Jambyl, Qyzylorda, Shyǵys Qazaqstan oblystarynda, Ulytaý, Jetisý, Abaı oblystarynda, Qostanaı, Qaraǵandy oblystarynyń ońtústiginde, ortalyǵynda, Aqtóbe oblysynyń ońtústiginde, Atyraýdyń batysynda, shyǵysynda, Aqmola oblystarynyń ońtústiginde, batysynda tótenshe órt qaýpi saqtalady.