Almaty Memlekettik qýyrshaq teatry qazirgi zamanaýı tendensııalardy, kórkemdik-estetıkalyq ózgeristerdi, jahandyq álemdegi jańa baǵyttar men úzdik sheshimderdi meńgerý, teatrdyń búgingi tynysyn keńeıtý jolynda halyqaralyq iri jobalarǵa qatysýdy negizgi jumys barysyna aınaldyrǵan.
Osy oraıda teatr ujymy Qazaqstan ǵana emes, Túrkııa, Reseı memleketterimen qatar Eýropa elderiniń de iri, bedeldi qýyrshaq teatr festıvaldaryna arnaıy shaqyrtý alyp, úzdikter qatarynan kórinip júrgendigin basa aıta ketken jón.
2022 jyly atalǵan óner ujymy Bolgarııadaǵy Varna qalasynda ótken XVII halyqaralyq «Altyn delfın» qýyrshaq teatrlar festıvalinde álemdik klassıkanyń ozyq úlgisi – «Romeo men Djýletta» (rej. D.Jumabaeva) qoıyly- myn usynyp, Gran-prı júldesin, sonymen qatar teatr ártisteri Shohan Qulnazarov «Eń úzdik er adam róli», Ulan Asanbek jáne Ulpan Serik «Eń úzdik debıýt» atalymdaryn ıelengen bolatyn.
Al bıyl Býrgas qalasynda (Bolgarııa) 30 shilde men 5 tamyz aralyǵynda ótken ashyq aspan astyndaǵy H halyqaralyq «Qýyrshaq kúnderi» atty festıvalǵa arnaıy joldama alyp, Quralaı Eshmuratovanyń rejısserligimen sahnalanǵan «Qýyrshaq dýman» qoıylymymen qatysty.
Sonymen qatar H halyqaralyq «Qýyrshaq kúnderi» festıvali aıasynda teatr ujymy Býrgas qalasynyń meri – Dımıtr Nıkolovtyń arnaıy qabyldaýynda bolyp, bolashaqtaǵy birlesken jobalar turǵysynda jospar quryp talqylady.
Býrgas memlekettik qýyrshaq teatrynyń basshysy Hrıstına Arsenovamen shy- ǵarmashylyq kezdesý uıymdastyrylyp, zamanaýı tehnıkalyq jabdyqtardy qoldana kúrdeli de sapaly qýyrshaqtardyń daıyndalýynan, júrgizilýi men saqtalýynan, teatr tynysynyń habar beretin ekskýrsııamen jalǵasyn tapty.
Atalǵan festıvalda elimizden bólek Bolgarııa, Nıder- land, Rýmynııa memleketterinen iriktelgen tańdaýly 13 ujym óner kórsetti. Dúbirli dodada Almaty Memlekettik qýyrshaq teatry Býrgas qalasy ákimdiginiń sheshimimen Gran-prı júldesin jeńip aldy.