Aıaqkıim tigýdi úıretedi

Jıynda «Lomuang» JShS dırektory Lobar Abdýgaparova aıaqkıim óndirisi problemasyn kóterdi. Onyń aıtýynsha, ótken jyly respýblıkada 41 mln jup aıaqkıim satylǵan. Sonyń ishin­de nebári 1,7 mln aıaqkıimdi otandyq óndirýshiler jasa­ǵan. Osy oraıda ınjenerler, aıaqkıim tehnologtary, orta býyn qyzmetkerleri ba­ǵyttaryndaǵy ma­mandardyń jet­kiliksizdigi má­se­lesi alǵa shy­ǵyp otyr.

«Aıaqkıim tigý tehnologııasyn biletin mamandarsyz óndiristi damytý múmkin emes. Qazirgi jaǵ­daı­da otandyq fabrıkalar mamandardy ózi oqytady. Barlyq óndiriste bos jumys oryndary bar, al jumys qoly jetispeıdi», deıdi L.Abdýgaparova.

Bul rette kásipker otandyq aıaqkıim ındýstrııasy joıylý aldynda tur dep sanaıtynyn jetkizdi. Búgingi tańda jo­ǵa­ry bilikti tehnologtar sanaýly. Al bar kadrlardyń bilimi men tájirıbesin úırenem deý­shi­ler joqtyń qasy. О́kinish­ke qaraı, búginde osy sala mamandaryn maqsatty daıarlaý qarastyrylmaǵan. Osy tusta óńdeýshi ónerkásiptiń sala­lyq keńesiniń múshesi óńir kol­ledj­derinde qanatqaqty kýrs ótki­zýdi usyndy. Mysaly, «Samhat» aıaqkıim fabrıkasy óz qyz­met­ker­lerine biliktilikti art­tyrý kýrs­taryn ótkizýge trener retinde L.Abdýgaparovany birneshe ret shaqyrǵan eken.

Oblystyq bilim basqarmasy basshy­synyń orynbasary Valerıı Gamazov aıaqkıim ónim­de­rin tigý boıynsha kolledj­derde jańa mamandyqtardy en­gizý týraly usynysty qol­da­dy. Osy oraıda Aqmola ob­ly­­synyń kásipkerler palatasy oblystyq bilim basqar­ma­symen birlesip, Aqmola aıaqkıim fabrıkalarynyń orta býyn mamandaryna qajettiligin anyqtaý boıynsha egjeı-tegjeı jumys júrgizýge, oblystyń oqý oryndarynda kásiptik baǵdarlaý is-shara­laryn uıymdastyrýǵa nıet­ti ekenin bildirdi.

«Jeńil ónerkásip salasyn­daǵy mamandardyń naqty qa­jet­tiligi boıynsha barlyq máli­met bilim basqarmasynda jınaq­ta­la­dy, budan ári ýákiletti organ su­ranystaǵy mamandyqtarǵa mem­lekettik tapsyrysty bólý máselesin qaraıdy. Bul rette 2020 jyly jeńil ónerkásip kásip­oryndary salalyq qaýym­dastyqqa birikkenin aıta ketken jón. Qaýymdastyqtyń negizgi mindetteri – óńirdegi jeńil óner­kásipti jandandyrý, jeńil óner­kásip kásiporyndarynyń, ásirese, mıkrobıznes ókilderiniń múddesin qorǵaý jáne salanyń túıtkildi máselelerin sheshýde kúsh biriktirý. Máselen, ótken jyly óńirdiń jeńil ónerkásibinde bylǵary aıaqkıim óndirisi 1,6 esege, júnnen jasalǵan aıaqkıim óndirisi 5,4%-ǵa ulǵaıdy», dedi О́ńir­lik palatanyń adamı kapıtaldy damytý bóliminiń bastyǵy Dınara Býlgaeva.