Aqtóbe qalasynda Jamanqulov kóshesindegi bes qabatty turǵyn úıden órt shyqty. Oqıǵa týraly búgin saǵat 13:22-de belgili boldy. О́rt ornyna jetken órt sóndirýshiler 44 adamdy evakýasııalady, dep habarlaıdy Egemen.kz.
Oblystyń TJD baspasóz qyzmeti habarlaǵandaı, birinshi qabattaǵy páterde jıhaz órtengen. О́rt sóndirýshilerdiń jedel qımyldarynyń arqasynda qutqarý qalpaqtarynyń kómegimen 4 adam qutqarylǵan. Sonymen qatar baspaldaq marshy arqyly 40 adam, onyń ishinde 10 bala evakýasııalandy.
О́rtti sóndirýge Aqtóbe oblysy TJ departamentiniń 26 órt sóndirýshi jáne 6 birlik tehnıkasy jumyldyrylǵan. Sonymen qosa órt bolǵan aýmaqqa Apattar medısınasy ortalyǵy fılıalynyń brıgadasy barǵan.
20 sharshy metrdi quraǵan órt alańy 13.47-de sóndirilgen. Zardap shekkender joq. О́rttiń sebebi anyqtalyp jatyr.