Eńbekpen eseıgen jigit

Ákesiniń izinen ilese baryp, shamasy jetetin buzaýdyń basynan sıpap, taı-qulyndy aınalshyqtap júrýdi ádetke aınaldyrǵan. О́se kele qolyna aıyr-kúregin alyp, mal jaıǵaýǵa bilek túre kirisip ketti. Sóıtip, eńbek erke balany eseıtti, býynyn bekitip, qanatyn qataıtty. Qazir ata-ana úmitin aqtar jasqa jetip, qara shańyraqtyń sharýasyn shalqytyp keledi.

Malsaq jas mamandyq tańdaýda jańylmaı, óz qalaýyn júzege asyrdy. Armany asqaq Aıbar Álim Almaty Qazaq ulttyq agrarlyq ýnı­­versıtetiniń veterınar maman­dyǵyn támamdaǵan. О́zine júk­telgen azamattyq mindettiń sal­maǵyn se­zin­gen ol osy kúni týyp-ósken Ba­qa­nas aýylynda eń­bek jolyn bas­tap ketken. Aýyl turǵyndarynyń malyn aýrýdan saqtap, egý sharalaryn júrgizýde bel­sendilik, iskerlik tanytyp kele­di.

Jastaıynan malsaq bolyp ósken jigerli jas búginde qora­syn­da sút ba­ǵytyndaǵy asyl tuqymdy sıyr ustap, ony saýyp, azyǵymen ýaqtyly qamtamasyz etýge ábden tóselip alǵandyǵynyń kýási bol­dyq.

«Erinbeı eńbek etken adamnyń yrzyq-nesibesi mol bolady. Biz­ge ata-anamyz sony úıretti. Qoly­myzdaǵy «Alataý», «Shved» sıyr­larynyń árbirinen kúnige 15 lıtr­den artyq sút saýyp alamyz. Sıyr saýý – men úshin esh qıyn­dyǵy joq jumys. Ony tartyp, aıran uıy­typ, qurt jasaımyz. Ata-anam­nyń arqasynda das­tar­qa­ny­­myzdan aq úzilmeı, qunar­ly, tabıǵı ónim túrleri daıar­lanady. Bıyl «Aýyl amanaty» mem­lekettik baǵdarlamasy boıynsha tómengi pa­ıyzda 6 mln teńge alyp, oǵan 13 bıe satyp aldyq. Bolashaqta mal basyn kóbeıtýdi maqsat etip júrmin», deıdi Aıbar Sákenuly.

Týǵan aýylyna týyn tigip, onyń órkendeýine ózindik úlesin qo­syp júrgen Aıbardyń kelinshegi Ásem Batyrhan da «Qazaqtelekom» bólim­shesinde operator bolyp eńbekke aralasqan. Osylaısha, bir­ligi men tirligi jarasqan jastar baqytty ómir órnegin quryp keledi.

Almaty oblysy