2020 jyldyń qańtar aıynan 2023 jyldyń qańtaryna deıin bilim berý salasynda qyzmet etetin mamandardyń jalaqysy jyl saıyn 25%-ǵa ósti. Bıyl 1 qyrkúıekten bastap taǵy 30%-ǵa artady,
Osylaısha 97 myńnan astam muǵalimniń jalaqysy 2,5 ese ósedi dep josparlanyp otyr.
Jýyrda mektepke deıingi, orta, tehnıkalyq jáne kásiptik bilim berýdi damytýdyń 2023-2029 jyldarǵa arnalǵan tujyrymdamasy qabyldandy. Ádistemelik kabınetter janynan mektepke deıingi tárbıe men oqytý pedagogtaryna ádistemelik kómek kórsetý maqsatynda mobıldi toptar quryldy.
«Mektepke deıingi tárbıe jáne oqytý» baǵyty men mamandyǵy boıynsha kadrlardy daıarlaý 39 JOO men 119 kolledjde júrgiziledi. Kolledjder mektepke deıingi uıymdarmen birlesip óńirlik erekshelikterdi eskere otyryp, «Pedagog» kásibı standarty negizinde bilim berý baǵdarlamalaryn ázirleıdi jáne oqý baǵdarlamalary men josparlaryn derbes jańartady. Pedkolledjderge qoıylatyn biliktilik talaptary qaıta qaraldy.
Aıta ketsek, bıyl mektepke deıingi bilim berýdiń 20 myńnan astam pedagogi biliktilikti arttyrý kýrstarynan ótedi.