«Qýatty óńirler – el damýynyń draıveri» ulttyq jobasy aıasynda Abaı oblysynda qandastar men qonys aýdarýshylardy qabyldaý belsendi júrgizilip jatyr, dep habarlaıdy Egemen.kz.
Abaı oblysy qurylǵaly beri 2022 jyly 302 adamǵa qonys aýdarý óńirlik kvotasy bekitilip, ol 100% tolyǵymen oryndalǵan. Oblys ákimdigi usynǵan aqparatqa sáıkes, 2023 jyly qandastar men qonys aýdarýshylardy qabyldaýdyń óńirlik kvotasy 434 adamdy qurap, bul kúnderi 80 qandas, 206 qonys aýdarýshylar kvotaǵa engen.
Ulttyq joba aıasynda qandastar jáne olardyń otbasy múshelerine memlekettik sýbsıdııa túrinde kelesi memlekettik qoldaýlar kórsetý kózdelgen:
kóship kelýge bir rettik 70 AEK (241 500 teńge); turǵyn úıdi jaldaý (jalǵa alý) jáne kommýnaldyq qyzmetterge aqy tóleý shyǵystaryn jabý úshin 15-30 AEK; turǵyn úıdi satyp alýǵa nemese baspana qurylysyna 4 mln teńge kóleminde sertıfıkat.