QR Premer-mınıstri Álıhan Smaıylov Astanada Reseı Federasııasy Bashqurtstan Respýblıkasynyń Premer-mınıstri Andreı Nazarov bastaǵan úkimettik delegasııamen kezdesý ótkizdi, dep habarlaıdy Egemen.kz Úkimettiń baspasóz qyzmetine silteme jasap.
Kezdesý barysynda saýda, ónerkásiptik kooperasııa, aýyl sharýashylyǵy, logıstıka, týrızm jáne mádenıet salalaryndaǵy yntymaqtastyqtyń ózekti máseleleri talqylandy.
Álıhan Smaıylov 2022 jyldyń qorytyndysy boıynsha Qazaqstan men Bashqurtstan arasyndaǵy óńiraralyq taýar aınalymy belgili bir ósim kórsete otyryp shamamen $382 mln quraǵanyn atap ótti. Bul rette taýar aınalymyn odan ári arttyrýǵa jáne jetkiziletin taýarlar túrlerin keńeıtýge áleýet bar.
Sondaı-aq Úkimet basshysy ónerkásiptik kooperasııa salasyndaǵy birlesken jobalardyń sany artyp kele jatqanyn atap ótti. Atap aıtqanda, búginde Qostanaı oblysynda «Ýralskıı prýjınnyı zavod» JShQ-nyń óndirisin lokalızasııalaý jumystary júrgizilip jatyr. «Bashkırskaıa sodovaıa kompanııa» AQ-men jalpy somasy shamamen $716 mln bolatyn eki iri joba boıynsha yntymaqtastyq ornatylýda.
«Qazaqstan Úkimeti bashqurttyq kásipkerlerge ınvestısııalyq jobalardy iske asyrýda qajetti qoldaý kórsetýge daıyn», dedi Álıhan Smaıylov.
Budan bólek, Premer-mınıstr Qostanaıda Qazaqstan men Reseıdiń óńiraralyq yntymaqtastyq forýmyn jáne bıyl kúzde Astanada «INNOPROM Qazaqstan» kórmesin ótkizýdiń mańyzdylyǵyn aıtyp, Bashqurtstan kásipkerlerin atalǵan sharalarǵa belsendi qatysýǵa shaqyrdy.
О́z tarapynan Andreı Nazarov Qazaqstan men Bashqurtstannyń aımaqtaryn túrli salalardaǵy kóp jyldyq tyǵyz yntymaqtastyq baılanystyratynyn atap ótti. Sonymen birge ony odan ári keńeıtýge jetkilikti áleýet bar.
«Biz qazaqstandyq baǵytta Bashqurtstan úshin jáne jalpy elimiz úshin, Qazaqstan úshin de úlken múmkindikter kórip otyrmyz. Sondyqtan biz qarym-qatynasymyzdy ári qaraı nyǵaıtyp, jańa baǵyttar men damý núktelerin qosqymyz keledi», dedi Andreı Nazarov.