Parlament Senatynyń depýtattary Aqmaral Álnazarova men Rýslan Rústemov Qyzylorda oblysynda jumys saparymen boldy.
Depýtattar sapar aıasynda oblystyq, qalalyq máslıhattardyń depýtattarymen, densaýlyq saqtaý basqarmalarynyń basshylarymen, sondaı-aq jumyspen qamtý jáne áleýmettik baǵdarlamalardy úılestirý basqarmalarynyń basshylarymen kezdesti.
Kezdesýge qatysýshylar óńir turǵyndaryn jumyspen qamtý, áleýmettik baǵdarlamalardy iske asyrý jáne densaýlyq saqtaýdy qarjylandyrý salasyndaǵy ózekti máselelerdi talqylady.
«О́ńirlerdegi problemalardy sheshý úshin máslıhat depýtattaryna, sondaı-aq atqarýshy organdarǵa kelesi sessııada zań shyǵarý qyzmeti barysynda eskeriletin usynystar men ıdeıalar boıynsha jumys isteýdi usynamyz. Sonymen qatar óńirlermen tyǵyz qarym-qatynas ornatqan Senatta birneshe jyldan beri «О́ńir» depýtattyq toby bar», dedi Aqmaral Álnazarova.
Parlamentshiler Senat qyzmetiniń qorytyndylary men Parlament depýtattarynyń bastamasy boıynsha ázirlengen zańdar týraly kezdesýge qatysýshylarǵa aıtyp berdi.
* * *
Senat depýtaty Sultanbek Mákejanov Almaty qalasyndaǵy jumys sapary aıasynda elimizdegi eń iri rekreasııalyq tehnıka ortalyǵynyń qyzmetimen tanysty.
Kezdesý barysynda senator qalanyń kommýnaldyq qyzmetteri paıdalanatyn kósheler men magıstraldardy, áýejaılar men eldi mekenderdi tazalaýǵa jáne kútip ustaýǵa arnalǵan arnaıy tehnıkalardyń jaı-kúıine nazar aýdardy.
Sonymen qatar is-shara barysynda týrıstik klasterdi odan ári damytý máseleleri talqylandy. Tabıǵı landshafttyń áleýeti men biregeıligi eskerilgen bul baǵyt Almaty úshin erekshe mańyzǵa ıe. Sarapshylardyń aıtýynsha, klasterdi damytý úshin týrıstik salaǵa ınvestısııa tartý men memleket tarapynan qoldaýdyń máni zor.
Depýtat óńirde týrıstik salany damytý úshin týrıstik baǵyttar men nysandardyń kólikpen barýǵa qoljetimdiligin qamtamasyz etý, týrısterge qolaıly jaǵdaı jasaý, ishki jáne halyqaralyq naryqtarda eldiń týrıstik áleýetin ilgeriletýdiń tıimdi júıesin qalyptastyrý mańyzdy ekenin atap ótti.
«Memleket basshysy VIII saılanǵan Parlamenttiń birinshi sessııasynda týrıstik saladaǵy eleýli serpilis úshin birinshi kezekte ınfraqurylym máselesin keshendi túrde sheship, qyzmet sapasyn túbegeıli jaqsartý qajet ekenin aıtty. Kásipkerler týrızm salasyndaǵy perspektıvalarǵa nazar aýdarýy úshin osyndaı jaǵdaılar jasalýy kerek», dedi Sultanbek Mákejanov.
Depýtat kezdesý sońynda Senattyń elimizdiń odan ári áleýmettik-ekonomıkalyq damýy jáne halyqtyń tabysyn arttyrý jolyndaǵy aldaǵy zań shyǵarý qyzmetin atap ótti.