Balalarǵa arnalǵan ádebı eńbekter, tanymdyq jınaqtar qashanda ult úshin úlken mura. Sebebi zaman aǵymy biz oılamaǵan keńistikke baǵyt túzep barady. Endeshe, kez kelgen rýhanı kitap saý aqyldyń boıtumary. Muny «Táýelsizdik álippesi» álipbıin qarap ta aıtýǵa bolady.
Atalǵan eńbektiń avtory – Ánýar Qabdoldauly. Ol urpaqtyń qara tanyp, saýatyn ashýyna úles qosyp júrgen jandardyń biri. Jaqynda «Táýelsizdik álippesi» atty balalarǵa arnalǵan álipbıdi jańasha formatta jasap shyǵyp, qazirgi ýaqytta sony nasıhattaýmen aınalysyp júr. Aıtýynsha, bul nusqany jasaýǵa 8 jylyn sarp etipti. Onyń isin respýblıkadaǵy belgili pedagogter qoldap, álipbıge oń kózqaras tanytqanyn aıtady.
Avtordyń «Táýelsizdik álippesin» shyǵarýdaǵy basty maqsaty mektepke deıingi búldirshinderdiń táýelsizdik qundylyqtarynan tálim alyp ósýine jol ashý. Sonymen qatar olardyń tanym qabiletteriniń keńeıýine septigin tıgizedi degen senimde.
Atalǵan álippeniń tusaýkeseri Taldyqorǵandaǵy №42 balabaqshada uıymdastyryldy. Is-sharaǵa shahardaǵy balabaqsha qyzmetkerleri qatysyp, saltanatty jıynnyń kýágeri boldy. Jıynda oblystyq oqý-ádistemelik damytý ortalyǵynyń mektepke deıingi mekeme bóliminiń ádiskeri Maqpal Asqarqyzy sóz alyp, lebizin bildirdi.
Aıta keteıik, álipbıde 29 árip kórsetilgen. Ol jerden qazaqy naqyshtaǵy beınelerdi ańǵarýǵa bolady. Búldirshinderdiń tez túısinýi úshin ondaǵy sýretter aıryqsha qanyq boıaýlarmen árlengen.
Is-shara barysynda balabaqsha shákirtteri konserttik qoıylym qoıdy. Án shyrqap, bı bıledi. Jańa álipbıdegi áripterdi hormen áýendete shyrqap, jıynǵa qatysýshylarǵa kóterińki kóńil kúı syılady.
Jetisý oblysy