Parlament Senatynyń depýtattary Arman О́teǵulov pen Lázzat Rysbekova Batys Qazaqstan oblysyndaǵy Syrym aýdanynyń aqsaqaldar jáne aýyl turǵyndarymen kezdesýde óńirdi damytýdyń ózekti máselelerin talqylady.
Depýtattar Alǵabas jáne Qaraǵandy aýyldaryndaǵy aýyz sýmen jabdyqtaý júıesi, mektep, aýyldyq mádenıet úıi qurylysynyń barysymen, sondaı-aq Toǵanas aýylyndaǵy «KazMeatIndustry» JShS jumysymen jáne tehnıkalyq jaraqtandyrylýymen tanysty.
Senator Arman О́teǵulov jumystardy sapaly jáne ýaqtyly aıaqtaýdyń mańyzdylyǵyn atap óte kelip, sondaı-aq aýyl turǵyndaryn júrgizilip jatqan jumystarǵa tartý qajettigine toqtaldy.
Senatorlar kezdesýler barysynda aýyl turǵyndarynyń ómirin jaqsartý jóninde aıtylǵan barlyq másele men usynysty zań shyǵarý jumysy barysynda eskeretinin atap ótti.
Sonymen qatar depýtat Arman О́teǵulov «Agrofest batys» forýmynyń qatysýshylarymen agroónerkásiptik keshenniń áleýetin kúsheıtýge baǵyttalǵan óńirdiń aýyl sharýashylyǵyn damytý perspektıvalaryn talqylady.
Senat depýtattary Serik Shaıdarov pen Sovetbek Medebaev Ulytaý aýdanynyń aqsaqaldarymen, aýdandyq qoǵamdyq keńestiń ókilderimen, aýyl turǵyndarymen jáne aýdandyq máslıhat depýtattarymen kezdesti.
Kezdesýge qatysýshylar janarmaımen jáne aýyz sýmen qamtamasyz etý máselelerine, sondaı-aq «Aýyl amanaty» baǵdarlamasyna nazar aýdardy.
Sonymen qatar senatorlar Jańaarqa aýdanynda bolyp, aýyldyq mekteptiń jóndeý jumystarymen jáne Eralıev aýyldyq okrýginiń ambýlatorııa qyzmetimen tanysty. Kezdesý barysynda óńirdiń basqa da ózekti máseleleri, onyń ishinde kómir, sý tapshylyǵy jáne ınternetke qoljetimdilik sııaqty túıtkilder talqylandy.