Poıyzǵa bıletti «Kútý paraǵynan» alasyz

Halqymyzdyń basym kópshi­li­gi jolǵa shyqsa, negizinen poıyz­da júrgendi qolaı kóredi. О́ıt­keni ol, birinshiden, jolaýshy tasy­malynyń basqa kólikterine qara­ǵanda áldeqaıda qaýipsiz, ekin­shi­den qyzmet aqysy Qa­zaq­stan halqynyń 90 paıyzyn qu­raı­tyn qarataban qarapaıym jurtqa qol­je­timdi. Desek te jyldyń basqa maýsymynan alabóten jaz mezgili týǵanda otandyq poıyzǵa bılet alý degen qııamet-qaıym ekenin el kúnde aıtady. Birer aı buryn al­masań, arzan bılet az kúnde bal­panaqtaı bolyp, baǵa ósip ketetini taǵy bar.

Endi el muqtajyna mán qoı­ǵan «Jolaýshylar tasymaly» aksıonerlik qoǵamy jańa bir qyzmet túrin usynypty. Búgingi jolaýshy jurttyń qolaıyna jaqqan alaqaı jańalyq sol – «Kútý paraǵy» servısi.

«Jolaýshylar tasymaly» AQ jazǵa qaraı kúrt artatyn jolaýshy nópirine aldyn ala qam jasap, qosymsha vagondar shyǵaryp, onlaın-bılet satylymy men elektrondy bılet kassalary, taǵysyn taǵy servıstik qyzmetterdi jyl saıyn arttyryp keledi. Dese de bılet tapshylyǵyn eshqashan joıa alǵan emes. Esesine keıingi ýaqytta iske qosylǵan «Kútý pa­ra­ǵy» servıstik qyzmetiniń ta­ny­maldyǵy artyp, ony paıdalanatyndar qatary sońǵy kezde kúrt artypty.

Bilet.railways.kz saıtyndaǵy osy servıstik qyzmet arqyly elimizde bıyl alǵashqy jar­ty­jyldyqta 70 myńǵa jýyq adam bılet alypty. Mejeli jerge bılet bolmaǵan jaǵdaıda osy saıttaǵy «Kútý paraǵy» qyz­meti arqyly jóneltilýine 7 kún merzimi bar poıyzǵa bıletke kezekke turýǵa bolady. Ol úshin atalǵan saıtta ár adam óziniń jeke kabınetin ashyp, «Kútý paraǵy» tetigin basady. Sosyn ózine qajetti baǵdardy jáne jeke derekterin toltyryp, ótinim jiberedi. Jeke derekteriniń ishinde telefon nómiri mindetti túrde kórsetilýi kerek. Sebebi oryndar bosaǵan jaǵdaıda júıe ózi sol telefon nómirine habarlama jiberedi. Ol habarlamada ótinim nómiri men qorǵanysh kody jazylady. Sol sandardy jeke kabınetke kirip, «Kútý pa­ra­ǵy tarıhy» degen jerdi basý arqyly bılet ornyn brondaı otyryp engizedi. Odan ári bılet qaıta erkin saýda aınalymyna túsip, keri ketip qalmas úshin 1-1,5 saǵattyń ishinde bıletti onlaın túrde jyldam satyp alý kerek. Kelgen bos oryn boıynsha bıletti atalǵan merzim ishinde kassaǵa baryp ta alýǵa bolady.

«Osy jaz eńbek demalysynda bas­qa qalaǵa saıahattaý barysynda bılet iz­dep tappaı, birden osy qyzmetke júgin­dim. Osylaısha, barý bıletimdi jolǵa shyǵýyma 3-4 kún qalǵanda tapsam, qaıtý bıletimdi poıyzǵa otyrýǵa bir kún qalǵan­da aldym. Ekeýinde de SMS habarlama telefon nó­mi­rime 12-24 saǵattyń ishinde keldi. Osylaısha, bul qyzmettiń tıimdiligine kóz jetkizip, ony qalaı paıdalaný kerektigi týraly beınejazba túsirip, ony áleý­met­tik jelige saldym. Kóp adam­dar osy beınejazbadaǵy meniń nusqaýlyǵym arqyly bılet alǵa­nyn aıtyp, alǵys bildirip jatty. Bul jerde ǵalamtor tilin tereń bilý­diń de asa qajeti joq. Servıs ońaı jolmen bılet alýǵa múmkindik bere­tindeı oılastyrylǵan», deıdi jo­laýshynyń biri Raıhan Rahmetova.

Endeshe jolǵa shyǵarda poıyz­ǵa bılet tappasańyz, bosqa qa­myqpaı, «Kútý paraǵyna» tezirek tir­kelý jolyn tabyńyz.