Ázerbaıjannyń bas shahary – Bakýde nysana kózdeý men stend atýdan álem chempıonaty ótip jatyr. Bul jarysta 100 memleketten kelgen 1500 sportshy baq synady.
10 metrden pnevmatıkalyq myltyqpen nysana kózdeýde Islam Sátbaev sátti óner kórsetti. Ol 632,7 upaı jınap, Qazaqstan rekordyn jańartqanymen, jarys qorytyndysy boıynsha tórtinshi orynǵa taban tiredi. Desek te osy kórsetkishtiń ózi Olımpııa oıyndarynyń lısenzııasyna ıelik etý úshin jetkilikti boldy. «Meniń osy jarystaǵy basty maqsatym Parıj Olımpıadasyna joldama alý edi. Sol josparym oıdaǵydaı júzege asty. Sonymen qatar álemdik dodada jeńis tuǵyryna kóterilýdi kózdedim. О́kinishke qaraı, júldeli oryndy ıelenýime sanaýly ǵana upaı jetpeı qaldy. Aldaǵy ýaqytta osy olqylyqtyń ornyn toltyryp, baıraqty básekelerde óz jankúıerlerimdi qýantý úshin barymdy salamyn», deıdi Islam.