Qazaqstan Prezıdenti Qasym-Jomart Toqaev Petrovietnam kompanııasy dırektorlar keńesiniń tóraǵasy Hoang Kýok Vyongty qabyldady, dep habarlaıdy Egemen.kz Aqorda baspasóz qyzmetine silteme jasap.
Kezdesý barysynda energetıka jáne munaı-gaz hımııasy salalaryndaǵy yntymaqtastyq perspektıvalary talqylandy.
Memleket basshysy munaı men gaz óńdeý jáne geologııalyq barlaý salalaryndaǵy jobalardy júzege asyrýǵa qyzyǵýshylyq tanytqan ınvestorlarǵa salyqtyq jáne kedendik jeńildikter usyný múmkindikteri bar ekenine nazar aýdardy.
О́z kezeginde Hoang Kýok Vyong Qasym-Jomart Toqaevqa kompanııanyń energetıka jáne munaı hımııasy salalarynda júzege asyryp jatqan jobalary týraly baıandady.
Petrovietnam – Ońtústik Shyǵys Azııanyń munaı-gaz ónerkásibindegi basty oıynshylardyń biri. Aktıvteriniń jalpy quny 40 mılllıard dollarǵa baǵalanady.