Ult ustazy atyndaǵy mektep

Bul jańa mektep – Ahmet Baıtursynuly atyndaǵy bilim ordasy tolyq jeke ınvestor qar­jysyna salynǵan. Mektep quryltaıshysy bastaýysh synyp oqýshylaryn 100 paıyz tegin tamaqpen, úlken synyptyń úzdik oqýshylaryn stıpendııamen qamtamasyz etetinin aıtyp otyr. Sondaı-aq mektep ǵımaraty sońǵy úlgidegi materıaldy-teh­nıkalyq bazamen qamtamasyz etilgen, oqýshylar úshin basseın qarastyrylǵan.

«Amanat» partııasynyń «Ha­lyq­pen birge!» atty 2023-2027 jyldarǵa arnalǵan Shym­kent qalasy boıynsha saılaýal­dy baǵdarlamasyn oryndaý maq­satynda ázirlengen Jol kar­ta­sy­nyń 34-tarmaǵynda mek­tep má­selesi qarastyrylǵan. Jospar boıynsha bıyl 7 mektep jáne qosymsha 2 ǵımarat paıdala­nýǵa berilmek. Jol kartasynda bel­gilengen mektepterdiń biri – Saı­ram eldi mekeninde ornalasqan.

Ult ustazy Ahmet Baıtur­syn­ulynyń esimi berilgen bilim ordasynyń ashylý rási­mine Parlament Májilisin­degi «Amanat» partııasy frak­sııasynyń jetekshisi E.Beı­sen­baev, qalalyq partııa fılıa­lynyń tóraǵasy B.Narymbetov jáne jergilikti atqarýshy bılik ókilderi men aýyl turǵyndary qatysty.

– Jyl saıyn elimizde birinshi synyp tabaldyryǵyn attaıtyn balalar sany artyp keledi. Sóz joq, bul óte jaqsy úrdis, alaıda birqatar óńirde osy balalardy mektepke syıdyra almaı kelemiz. «Amanat» partııasy óziniń saılaýaldy baǵdarlamasynda mek­­tep tapshylyǵy máselesin sheshý­di qarastyrǵan. Jergilik­ti más­lıhattaǵy «Amanat» frak­sııa­synyń depýtattary halyq­qa bergen osynaý ýáde­lerdiń ýaqtyly ári sapaly oryn­dalýyn óz baqylaýyna aldy, – deıdi E.Beısenbaev.