OKQ alańynda ótken baspasóz konferensııasynda QR Mádenıet jáne sport vıse-mınıstri Sársen Quranbek Qazaqstandaǵy toǵyzqumalaq sportynyń kórsetkishteri jaıly aqparat berdi, dep jazady Egemen.kz.
Vıse-mınıstrdiń málimdeýinshe, ulttyq sport túrlerine, onyń ishinde toǵyzqumalaq sportyna mınıstrliktiń erekshe kóńil bólýiniń nátıjesinde barlyq oblystar men Astana, Almaty qalalarynyń dene shynyqtyrý jáne sport mektepterinde toǵyzqumalaq bólimderi bar. Olardan bólek ulttyq sport túrleri boıynsha 10 klýb jumys istep tur.
Jalpy elimiz boıynsha 6 856 toǵyzqumalaq úıirmesi bar. Qalalyq, oblystyq, respýblıkalyq deńgeılerde uıymdastyrylǵan týrnırler men chempıonattardyń nátıjesinde jasóspirimder, jastar jáne eresekter arasynda Ulttyq qurama komandalar jasaqtalǵan, Ulttyq qurama sapynda 136 adam bar.
Ulttyq oıyn - toǵyzqumalaq sportyn dáripteý, taratý jáne jan-jaqty qoldaý jumystaryn aldaǵy ýaqytta da damyta berý kózdelip otyr.