Oblys ákimdigi jastar saıasaty máseleleri basqarmasynyń uıymdastyrýymen «Jaıdarman» komandalary arasynda «Jazǵy kýbok-2023» dodasy ótti. Bul joly komandalar Qaırat Rysqulbekov atyndaǵy ortalyq saıabaqta, ashyq aspan astynda óner kórsetip, astarly ázilderimen jınalǵan jurtty bir serpiltip tastady.
О́ńirlik deńgeıde uıymdastyrylǵan jaıdarmanshylar dodasyna jeti komanda qatysyp, júldeli oryndardy sarapqa saldy. Komandalardyń ónerine ázil áleminde óz ornyn qalyptastyrǵan mamandar tórelik etip, laıyqty baǵasyn berdi.
Ashyq aspan astynda ótken is-sharada ótkir ázilderimen daralanǵan «Prestıj» komandasy jeńimpaz atansa, «Ádibı jigitter» komandasyna júldeli ekinshi oryn buıyrdy. «Davmır» komandasy úzdik úshtikti qorytyndylasa, arýlardan quralǵan «Oıý» komandasy «Kórermen kózaıymy» atalymyna laıyq dep tanyldy.
«Anyǵynda «Jaıdarman» tek ázil aıtý ǵana emes, jastardy mádenıetke baýlıtyn tamasha oıyn ekeni ras. Alaıda sońǵy 3 jylda jastar qozǵalysynyń jumys qarqyny báseńdep qalǵan bolatyn. Bıyldan bastap oblys boıynsha «Jaıdarman» oıynyna jergilikti bıýdjetten bólingen qarjy 5 ese artyp otyr.
Júrgizilgen jumystardyń nátıjesinde «Jýaly», «Medıým» komandalary respýblıkalyq joǵary lıgaǵa, «Prestıj» jaıdarman toby respýblıkalyq ashyq lıgaǵa joldama alsa, 6 komandamyz respýblıkalyq «Nomad» lıgasynda baq synamaq. Qysqasy, atalǵan oıynǵa qyzyqqan jastarǵa jan-jaqty qoldaý kórsetilip jatyr», deıdi oblys ákimdigi jastar saıasaty máseleleri basqarmasynyń basshysy Jomart Zulpyhar.
TARAZ