Túrkistan oblysy Otyrar aýdanynyń Kóksaraı eldi mekeni mańaıynda Syrdarııa ózeniniń sýyna batyp ketken 10-ynshy adamnyń máıiti tabyldy, dep jazady Egemen.kz.
Búgin saǵat 10:40 shamasynda qutqarýshylar kámeletke tolmaǵan jasóspirimniń máıitin sýdan alyp shyqqan.
Aıta keteıik, sýǵa batqan 11 adamnyń 10-y tabylyp otyr. Endi taǵy bir kámeletke tolmaǵan jasóspirimdi, ıaǵnı, sýǵa batyp ketken 11-inshi adamdy izdestirý jumystary jalǵasyp jatyr.
Izdestirý sharalaryna jalpy 150 brıgada, 16 tehnıka, 6 júzý quraly jumyldyryldy.
Eske salsaq, bir áýletten shyqqan 4 otbasynyń múshesi darııaǵa demalýǵa kelip, sońy qaıǵyly jaǵdaımen aıaqtalǵany málim.