Almatyda elektrondy temekini zańsyz satqandar anyqtaldy, dep habarlaıdy Egemen.kz Qarjylyq monıtorıng agenttiginiń baspasóz qyzmetine silteme jasap.
Qarjylyq monıtorıng agenttiginiń Almaty qalalyq departamenti qalalyq prokýratýramen birlesip jedel izdestirý is-sharalaryn júrgizdi. Olar qalada elektrondy temekini zańsyz satqan qoıma úı-jaılardy anyqtady.
Tintý kezinde jalpy somasy 80 mln teńgeden asatyn 55 myńnan astam elektrondy temeki tabylyp, tárkilendi. Qazir sotqa deıingi tergeý bastaldy.
QR QPK 201-babynyń talaptaryna sáıkes ózge málimetter jarııa etilmeıdi.