Búgin BRIKS sammıtinde Memleket basshysy BRIKS múshelerin kelesi jyly Qazaqstanda ótetin sıfrlyq forýmǵa shaqyrdy, dep habarlaıdy Egemen.kz.
«Biz beıbitshilik, turaqtylyq pen qaýipsizdiktiń BUU Jarǵysyna negizdelgen laıyqty formýlasyn izdeýimiz kerek. Osy maqsatta men bıylǵy ShYU sammıtinde «Ádiletti álem men kelisimdi jaqtaıtyn dúnıejúzilik birlik týraly» bastama kóterdim. Bul bastama jahandyq qaýipsizdik pen turaqtylyqty saqtaý isin ilgeriletýge, sondaı-aq anaǵurlym rasıonaldy álemdik saıası jáne ekonomıkalyq tártipti qalyptastyrýǵa baǵyttalǵan», dedi Prezıdent.
Onyń aıtýynsha, «BRIKS jáne «BRIKS Plıýs» quramyndaǵy seriktester ortaq ıgilik úshin osy bastamany júzege asyrý isinde birlese áreket ete alar edi.«Sonymen qatar ShYU, BRIKS jáne BRIKS Plıýs quramyndaǵy elder óte mańyzdy sanalatyn sıfrlyq orta, elektrondyq kommersııa, kıberqaýipsizdik salalaryndaǵy áleýetterin biriktirip, aqparat almasýdy keńeıtkeni jón. Kelesi jyly Qazaqstanda Shanhaı yntymaqtastyq uıymynyń Sıfrlyq forýmy ótedi. «BRIKS Plıýs» aıasyndaǵy seriktesterimizdi osy mańyzdy sharaǵa qatysýǵa shaqyramyn», dedi Memleket basshysy.