Astana qalasynyń ákimi Jeńis Qasymbek Instagram paraqshasynda IT salasynyń mamandarymen kezdeskenin málim etti, dep habarlaıdy Egemen.kz elorda ákimdiginiń baspasóz qyzmetine silteme jasap.
«Sıfrlyq tehnologııalar búginde kúndelikti ómirimizdi jaıly etetin ınfraqurylymnyń ajyramas bóligi bolyp sanalady. Qalalyq orta damýy úshin ınnovasııanyń izimen júrýi kerek.
Pitch Day is-sharasyna qatysýshylar densaýlyq saqtaý, bilim berý, TKSh salalaryn ary qaraı sıfrlandyrýǵa baǵyttalǵan, sol sııaqty qaýipsizdik máselelerin qamtamasyz etetin on IT jobany tanystyrdy. Biz úshin mundaı alańdar ınnovasııalyq ıdeıalar men usynystar talqylanatyn oryn ǵana emes ári jobalar qoldaý tabatyn jáne iske asyrylatyn oryn», dep jazdy Jeńis Qasymbek.
Ákimniń jazýynsha, osyǵan deıin qala birqatar jobaǵa, onyń ishinde «Qoljetimdi aýla» boıynsha, sondaı-aq bilim berý, medısına jáne basqa da salalarda qoldaý kórsetken edi.
«Usynylǵan jobalardy egjeı-tegjeıli zertteımiz. Sondaı-aq Pitch Day qatysýshylarymen birlesip, qalalyq qyzmetterimizdiń jumysyn júıelendirýge jáne ońtaılandyrýǵa múmkindik beretin jobalar qurý boıynsha jumys isteımiz. Biregeı ınnovasııalyq ıdeıalary men jobalary bar IT-mamandar, bizdiń profıldi basqarmamyzdyń forýmdarynyń qatysýshysy bola alasyzdar. Biz qoldaý kórsetýge jáne birlesip jumys isteýge qashanda daıynbyz», dep qosty Astana ákimi.