Qasym-Jomart Toqaev pen Emomalı Rahmon Qazaqstandaǵy Tájikstannyń mádenıet kúnderin ashty, dep habarlaıdy Egemen.kz Aqorda baspasóz qyzmetine silteme jasap.
Memleketter basshylary Tájikstannyń Qazaqstandaǵy mádenıet kúnderiniń ashylý rásimine qatysty. Is-shara eki el arasyndaǵy dıplomatııalyq qatynastardyń 30 jyldyǵyna oraı uıymdastyrylyp otyr.
«Astana Opera» teatrynda tájiktiń «Zebo», «Gýlrez», «Parastý» bı ansamblderi, sondaı-aq Amırdjon Rýzı, Sharofat Ýsmonzoda, Sıtoraı Karomatýllo, Tahmına Nıezova, Rahmatýllo Hoshım, Fotımaı Hýdoıberdı jáne taǵy basqa ánshiler óner kórsetti.
Tájikstannyń Qazaqstandaǵy mádenıet kúnderi 23-26 tamyz aralyǵynda ótedi. Is-shara aıasynda tájik kınematografııasynyń jaýhary sanalatyn «Rýstam men Sýhrob» kórkem fılmi kórsetildi.