Májilis depýtattary, Respublica partııasynyń múshesi Dınara Shúkijanova men Dınara Naýmova Pavlodar oblysyna baryp, óndiris ornynyń jumysymen tanysty, dep habarlaıdy Egemen.kz Májilistiń baspasóz qyzmetine silteme jasap.
Májilismender Pavlodardaǵy iri jumys berýshi kásiporyndarynyń biri sanalatyn «Qazaqstan alıýmınıi» AQ bardy. Bul - daıyn alıýmınıı óndirisine qajetti shıkizat shyǵaratyn jalǵyz zaýyt. Jylyna 1,4 mln tonna ónim óndiredi. Búgingi tańda munda 8 myńǵa jýyq adam eńbek etýde.
Aıta ketsek, zaýyt óndiretin ónimniń 60 paıyzy shetelge jóneltiledi. Qalǵan ónim ishki naryqta qalady. Negizgi tutynýshy – daıyn alıýmınıı óndiretin Qazaqstan elektrolız zaýyty.
Májilis depýtaty Dınara Shúkijanovanyń aıtýynsha, elimizdegi ónerkásip salasynda ortaq másele bar.
«О́ndiris oryndarynyń aldynda birdeı kedergiler týyndaýda. Onyń qatarynda, otandyq ónimdi eksporttaý, qural-jabdyqtardyń shamadan tys qymbat bolýy, kadr tapshylyǵy sııaqty máseleler bar. Bul olqylyqtardyń ornyn júıeli túrde toltyrý qajet. Mysaly, kórshiles Qytaı elinde eksport sýbsıdııalanady. Sol sebepten, bizdiń óndiris oryndardyń olarmen básekelesýi óte qıyn. Bul másele búgin at basyn burǵan «Qazaqstan alıýmınııi» zaýytyna da tán. Onymen qosa munda qural-jabdyqtardy jańartý qajet ekeni baıqalady», dedi Dınara Shúkijanova.