Otyrarda «Uly Jibek joly boıyndaǵy toqyma jáne zergerlik óner» atty halyqaralyq qolóner sheberleriniń jármeńkesi ótti. Mádenıet jáne sport mınıstrligi men «Halyqaralyq túrki mádenıeti men murasy» qorynyń qoldaýymen, «Otyrar» memlekettik arheologııalyq mýzeı-qoryǵynyń uıymdastyrýymen ótken jármeńkede Túrkııa, О́zbekstan, Qyrǵyzstan, Túrikmenstan, Ázerbaıjan memleketteri men elimizdiń barlyq óńirinen kelgen 50-den astam toqyma jáne zergerlik ónerdiń has sheberiniń qolóner buıymdary qoıyldy.
Jármeńkeniń ashylý saltanatynda Mádenıet jáne sport mınıstrligi Mádenıet komıtetiniń tóraǵasy Kúmis Seıitova, Halyqaralyq túrki mádenıeti men murasy qorynyń ókili Talǵat Muhanov jáne Otyrar aýdanynyń ákimi Sáken Sultanhanov uıymdastyrýshylarǵa ystyq yqylasyn bildire otyryp, qatysýshylarǵa sáttilik tiledi. Al qazylar alqasy sheberlerdiń ónerin jiti baqylap, úzdik dep tanylǵan qatysýshylardy anyqtady. Sóıtip, qazylar alqasynyń sheshimimen bas júldege Jennet Garlıeva men (Túrikmenstan), Abdýlla Naýryzbaev (Shymkent qalasy) laıyq dep tanyldy. Salıh Gırgıch (Túrkııa) pen Aıjan Abdýbaıtova (Almaty) júldeli I oryndy, Bolat Atyraýbaev (Aqtóbe oblysy) pen Bıbajar Sımova (Shymkent qalasy), Nurjamal Aıdos (Almaty qalasy) jáne Ikramjan Rafıkov (Shymkent qalasy) júldeli II oryndy, Sultan Tilek (Almaty oblysy), Madına Ahmetova (Shymkent qalasy), Mereke Aıdarsha (Túrkistan oblysy) men Ábdireım Sultanǵalı (Túrkistan oblysy) júldeli III oryndy ıelendi. Al úzdik dep tanylǵan Túrkistan, Qyzylorda, Jambyl oblysynan jáne О́zbekstan, Qyrǵyzstannan kelgen qatysýshylarǵa «Turan zergeri» atalymy, jeńimpazdarǵa sertıfıkattar men yntalandyrý syılyqtary tabystaldy.
Shara sońy konserttik baǵdarlamaǵa ulasty. Sondaı-aq qonaqtar men qatysýshylarǵa tarıhı-mádenı oryndarǵa ekskýrsııa uıymdastyryldy.
Túrkistan oblysy