QURMET QAǴAZDA EMES, HALYQ SENIMINDE

Memleket basshysy N.Á.Nazarbaevtyń Parlament qabyl­da­ǵan Tuńǵysh Prezıdent, El Basy týraly zańnamaǵa ózgerister men to­­lyq­ty­rýlar engizý jónindegi zańdarǵa qol qoıýdan bas tartyp, Qazaqstan azamattaryna, el Parlamentine, “Nur Otan” HDP Saıası bıýrosyna joldaǵan arnaýyn keshe Senattyń kezekten tys jalpy otyrysynda palata Tóraǵasy Qasym-Jomart Toqaev jarııa etti. Arnaýynda Elbasy Parlament depýtattarynyń ózine jiberilgen zańdarǵa qol qoıýdan bas tartý jó­nin­degi ustanymyn durys túsiný­le­rin ótinip, “El Basy” mártebesin tek zańdarmen nemese ózge de qu­qyqtyq aktilermen belgileýge bol­maıtynyn bildirgen edi. Pre­zı­denttiń ar-namysy men derbes quqyǵyn, otbasyn qorǵaý Ata Zańda, Pre­zı­dent, Tuńǵysh Pre­zı­dent týraly zańdar men zańna­ma­lyq aktilerde sheshimin tapqan­dyǵyn da qaperge salǵan bolatyn. Parlamenttiń biraýyzdan she­shim qabyldaýyn Memleket bas­shysy halyqtyń ys­tyq yqylasy men qaltqysyz se­ni­miniń kórinisi dep baǵalaıdy. Senat Tóraǵasy jarııa etken arnaý mátininiń árbir sózine tereń boılaǵan senatorlar ony aıaǵyna deıin zeıin qoıyp tyńdady. Sońy­nan Prezıdent N.Nazarbaevtyń Qa­zaqstan Respýblıkasynyń aza­mat­taryna, Qazaqstan Respýblıka­sy­nyń Parlamentine, “Nur Otan” halyqtyq-demokratııalyq partııa­synyń Saıası bıýrosyna arnaýyn nazarǵa alý týraly Senattyń qaý­lysy biraýyzdan qabyldandy. Biz otyrystan shyqqan sena­tor­lardan arnaýǵa qatysty pikirlerin bilgen edik. Palatanyń Agrarlyq máseleler jáne qorshaǵan ortany qorǵaý komıtetiniń múshesi Tasbaı Sımambaev óz pikirin tómendegishe bildirdi: Shynynda da “El Basy” már­te­besin zańdarmen, zańnamalyq ak­ti­lermen nemese ózge de qujattarmen    bekitý múmkin emes. Osy turǵydan kelgende Qazaqstan halqy, álemdik qoǵamdastyq Nursultan Ábishuly Nazarbaevty onsyz da tolyq máninde Qazaqstannyń kóshbas­shy­sy sanaıdy. Prezıdent óziniń arnaýynda depýtattarǵa rızashylyǵyn bildirdi. Parlament tarapynan Tuńǵysh Pre­zıdent, Ult kóshbasshysy týra­ly zańnamaǵa ózgerister men to­lyqtyrýlar engizý jónindegi zańdar qalaı bolsa solaı qabyldaı sala­tyn sheshim emes, ol myńdaǵan, tipti ondaǵan myń saılaýshylardyń usynys-tilekteri. Biraq Memleket basshysy atalǵan zańdarǵa qol qoıǵan joq. Munyń ózi kisilikke laıyq kishiliktiń kelisti kórinisi bolsa kerek. Sondyqtan Qazaqstan hal­qy óz kóshbasshysynyń qabyl­da­ǵan sheshimin tolyq máninde tú­si­nistikpen qabyldaıdy dep senemin. Qoryta aıtqanda qurmet qaǵazda emes, halyqtyń seniminde. Palatanyń Zańnama jáne qu­qyq­tyq máseleler komıtetiniń hat­shysy Serik Aqylbaıdyń pikiri de al­ǵashqy áriptesinikimen úndes shyqty. Memleket basshysy Nur­sul­tan Nazarbaevtyń Tuńǵysh Pre­zı­dent, Ult kóshbasshysy týraly zańnamaǵa ózgerister men tolyq­ty­rýlar engizý jónindegi zańdarǵa qol qoımaýyna túsinistikpen qaraý qajet. Elbasynyń arnaýynda bul ustanym jan-jaqty jáne dáleldi turǵyda aıtyldy, sebebi kóldeneń tartylyp, túsindirildi. Jalpy, bizder óńirlerge baryp, saılaýshylarmen kezdesýler ótkiz­gen kezde olar zańdardy qabyldaý qajet degen pikirlerin kóptep bil­dirip jatty. О́ıtkeni, qazaq ta­rıhynda iri tulǵalaryn halyq ar­daq tutyp, olarǵa qosymsha ataqtar bergen. Ásirese, bul ataqtar elin er­likpen qorǵaǵan erlerge, bı-sheshenderge berilip otyrǵan. Aıta ketetin bolsaq, Táýke hanǵa halyq “áz” degen ataýdy qosý arqyly onyń kemeńger kóshbasshy eken­digin kórsetken. Sol sııaqty Eń­segeı boıly Er Esim dep jatady. Osylaısha kósemderin erekshe qur­mettegenniń belgisi jatyr munda. Mundaı ataq berý tek bizdiń memleketimizde ǵana emes, álemniń kóptegen elderinde bar. Máselen, Mustafa Kemalǵa halyq “Túrik­ter­diń atasy” – Atatúrik degen ataq bergen. Sol sııaqty Qazaqstan bas­shysynyń “El Basy” degen ataqqa usynylýyn depýtattardyń ǵana emes, halyqtyń da paıymy dep tú­singen jón. Árıne, halyq arasynda Elbasy degen uǵym sińisti bolyp qalyptasyp qaldy. Prezıdenttiń shynynda da Eldiń basshysy ekenin dáleldep jatýdyń qajeti joq, eldiń aýzynda júrgen sóz. Budan halyqtyń Tuńǵysh Prezıdentke degen súıispenshiligi men úlken qurmetin de kóremiz. Biz sony zańdastyrǵan durys dep sheshken edik. Jaqynda Qazaqstanda bolyp qaıtqan Túrkııa Prezıdenti Abdýl­la Gúl Nursultan Ábishulyn “Túrki áleminiń kóshbasshysy” dep ataýy­nyń ózinde úlken qurmet jatyr. Sondyqtan bizdiń sheshimimizdi de halyq túsinedi ǵoı dep oılaımyn. Bul qadam Elbasynyń ókilettigin kúsheıtý arqyly el áleýetin art­tyrý nıetimen jasalǵan bolatyn. Asqar TURAPBAIULY.