Túrkistandaǵy festıval

Oblys ákimdiginiń qol­daýymen oblystyq mádenıet jáne týrızm basqarmasy uı­ym­dastyrǵan festıval aıasynda 17 aýdan, qa­la­ ár aptada Túrkistan qa­la­synda mádenıet kúnderin ótkizdi. Juma-senbi kúnderi sý­ret­shiler men qolóner she­berleriniń jáne aýdan, qa­lanyń jetistikteri týraly kórmeler uıymdastyrylyp, ult­tyq salt-dástúr men ádet-ǵuryptar ulyqtaldy. So­nymen qatar ulttyq sport túrlerinen saıystar ótkizilip, óner juldyzdarynyń qaty­sýymen merekelik gala-konsert kópshilik nazaryna usy­nyldy. Jastar arasynda ulttyq salt-dástúr men ádet-ǵurpymyzdy dá­ripteý, ke­leshek urpaqty salamatty ómir saltyna beıimdeý jáne Túrkistannyń týrıstik áleýetin damytý maqsatyndaǵy fes­tıval jeńimpazdary Kon­stı­tý­sııa kúnine arnalǵan «Ata Za­ńym – aıbynym!» at­ty is-sharada marapattaldy. Saltanatty rásimde oblys ákimi Darhan Satybaldy óńir­diń rýhanı-mádenı salasynda jetistikter kóp ekenin atap ótti. «Osy baǵyt­taǵy jumystardy júrgizý, óńir mádenıetin damytý, óner maıtalmandarynan qu­ralǵan shyǵarmashylyq ujym­dardy qalyptastyrý, oblystyq mádenıet jáne tý­rızm basqarmasynyń «Kongress Holl» kópsalaly ke­shenine túrli baǵyttaǵy óner ujymdaryn ashý úshin 100-den astam shtat berip otyrmyz», dedi oblys ákimi.

Sondaı-aq oblys ákimi úz­dik dep tanylǵan aýdan-qa­lalardyń kórkemónerpazdar ujymyn marapattady. Qa­zylar alqasynyń sheshimimen bas júlde ıegeri – Otyrar aýdanyna «Gazel» avtokóligi, júldeli I oryn ıegeri –Shar­dara aýdanyna jeńil avtokólik tabys etildi. Al II oryndy ıelengen Maqtaaral aýdany men Keles aýdany dybys jazý stýdııasy, júldeli III oryn alǵan Túrkistan qalasy, Saıram aýdany men Saryaǵash aýdanyna mýzykalyq apparatýra syıǵa berildi. Oblystyq óner fes­tıvaliniń «Ánim sensiń týǵan jer» arnaıy júldesine Je­tisaı aýdany, «О́nerli ól­ke» arnaıy júldesine So­zaq aýdany, «Mádenıetim – mereıim» arnaıy júldesine Tólebı aýdany, «Salt dás­túrim – qazynam» arnaıy júldesine Báıdibek aýdany laıyq dep tanyldy. Arnaıy júlde ıele­rine 500 myń teńge syıaqy berildi.

Bas júlde ıegeri Otyrar aýdany fes­tıval aıasynda Qazaqstan Sýretshiler odaǵynyń mú­shesi Ádilhan Máliktiń «Uly dala barysy» atty Sultan Beıbarystyń 800 jyldyǵyna arnalǵan taqyryptyq kes­kindeme sýret kórmesin kóp­shilik nazaryna usyndy. Ol Otyrar halyq teatrynyń «Beı­barys» qoıylymyna ula­syp, Rahymjan Otarbaev­tyń týyndysy rejısser Ǵa­zız Arynov pen sýret­shi Ádilhan Máliktiń jetek­shi­ligi­men sahnalandy. Son­daı-aq «Omartasy rýhtyń – Otyrarym» atty aqyndar aı­tysyn da kópshilik joǵary baǵalady. Ulttyq sport oıyn­darynan saıys, «Uly dala dás­túri» atty salt-dástúr, ádet-ǵuryp kórinisteri, qol­óner, sýret kórmesi syndy mádenı is-sharalar oblys or­ta­lyǵyna kelgen qonaqtar men qala turǵyndaryn erekshe kóńil kúıge bólep, otyrarlyq óner­pazdar kópshiliktiń qo­shemetine bólengen bolatyn.

TÚRKISTAN