Otbasyndaǵy qundylyqtardy jańǵyrtýǵa, erli-zaıyptylardyń ónegeli ómirin nasıhattaýǵa, shyǵarmashylyǵyn shyńdaýǵa baǵyttalǵan «Mereıli otbasy» baıqaýy bıyl da óz jalǵasyn tapty. Taldyqorǵan qalasyndaǵy Saltanat saraıynda ótken merekelik jıynda birqatar otbasynyń mereıi ósti.
Qasıetti qundylyǵymyzdyń qarashyǵyndaı bolǵan dástúrimizdi dáriptep, ata-anasyn ardaqtap, ómirdiń ár salasynda ózin kórsete bilgen otbasylar barshylyq. Olardyń jarqyn isi jalǵasyn taýyp, keıingige ónege bolýy kerek. Osy negizde 10 jyl buryn bastaý alǵan baıqaý búginge deıin talaı shańyraqty shattyqqa bóledi. Búgin de sonyń jarqyn úlgisin kóre bildik.
«Mereıli otbasy» ulttyq baıqaýy jeńimpazdaryn marapattaý saltanatynyń alǵashqy sózi oblystyq máslıhattyń tóraıymy Gúlnar Toılybaevaǵa berildi.
– Otbasylyq qundylyq Otanymyz úshin árqashanda qymbat. Árbir otbasynyń baqyty – elimizdiń baqyty. Sol úshin qanshama ata-ana eńbek etip keledi. Babalarymyzdyń «Bala ber, bala berseń, sana ber..» degen qanatty sózi ár otbasy úshin uran bolyp qala bermek. Árbir otbasynda jarasymdy tirlik, jubaılardyń bir-birine degen izgi mahabbaty, balanyń kúlkisi bolýy kerek. «Úılený ońaı, úı bolý qıyn» degen dana qazaqtyń sózin eske ala otyryp, biz shańyraǵyn keshe ǵana qurǵan jas otbasylarǵa úlgi-ónege kórsetýimiz kerek, – degen G.Toılybaeva baıqaýda júlde alǵan jandardy marapattady.
Ulttyq baıqaýdyń sharty boıynsha júzden júırik shyqqan sarqandyq Moldabaev pen taldyqorǵandyq Erkinbek áýleti júldeli 3-oryn ıegeri atandy. 2-orynmen qarataldyq Ámirov jáne Panfılov aýdanynyń Kerimbekov áýleti marapattaldy. Qoǵamdaǵy belsendiligimen top jaryp, alǵa shyqqan alakóldik Qaıranov shańyraǵy jeńimpaz atanyp, 1 mln teńge aqshalaı syılyq aldy.
О́negeli otbasylar marapattalǵannan keıin án shyrqalyp, kúmbirlegen kúı tógildi. Jetisý jurtshylyǵyna tanymal ónerpazdar án aıtyp, kórermen yqylasyna bólendi.
Jetisý oblysy