Mádenı baılanys jalǵasady

Alqaly jıynǵa Qazaqstan Mádenıet jáne sport mınıs­tri As­hat Oralov, Tá­jik­stan Mádenıet mınıs­tri Zýl­fııa Davlatzoda, Qazaq­stan Jazýshylar odaǵynyń tór­aǵasy Mereke Qulkenov, Tá­jik­stan Jazýshylar oda­ǵynyń tóraǵasy Kosım Nozım, sondaı-aq eki eldiń kórnekti mádenıet qaıratkerleri men zııaly qaýym ókilderi qa­tysty.

«Biz memleketterimizdiń ádebıet salasyndaǵy ózara yntymaqtastyǵy máselelerin talqyladyq. Atap aıtqanda, Ja­­zýshylar odaǵy qazaq­stan­­­dyq avtorlardyń bes shy­­­ǵar­masyn tájik tiline aý­darý týraly usynys aıtty. Son­daı-aq Qazaqstanda tá­jik áde­bıetshileriniń bes eń­begin shyǵarý usynyldy. Bul Qazaq­stan men Tájikstan ara­syn­daǵy mádenı baılanys­tardy nyǵaıtýǵa yqpal etedi dep sanaımyn», dedi Ashat Oralov.

Sonymen qatar Mereke Qul­kenov pen Kosım Nozım eki eldiń Jazýshylar odaqtary ara­syndaǵy yntymaqtastyq týraly memorandýmǵa qol qoı­­d­y.

Kezdesý tájik delegasııa­syna estelik kitap­tar tabys­taý rásimimen aıaq­taldy. Qo­­­naq­tarǵa syılyq retinde qa­­zaq aqyndarynyń «Qa­­zaq poezııa­synyń injý-marjan­dary» atty 13 tomdyq óleńder jı­na­ǵy jáne basqa da kitaptar ta­bystaldy.

Qazaqstan men Tájikstandy geografııalyq kórshilestik qa­na emes, sondaı-aq ǵasyrlar boıǵy tarıh ta baılanystyrady. Mádenı almasý árqashan eki eldiń tyǵyz qarym-qaty­nasynyń mańyzdy bóligi bol­dy. Sondyqtan ádebıetti da­mytý salasyndaǵy ózara is-qı­myldyń kúsheıýi búkil Ortalyq Azııa aımaǵyna orasan zor paıda ákelýi múmkin.

«Qajetti qadamdar qazir­diń ózinde jasalyp jatyr. Má­selen, kelesi jyly Ulttyq akademııalyq kitaphanada tájik ádebıetiniń buryshy ashylady. Sonymen qatar biz­diń elderimizdiń ulttyq ki­taphanalary arasynda yn­ty­maqtastyq týraly shart bar, onyń sheńberinde ki­tap­hana, arhıv jáne mýzeı qorlarynyń jazbasha jáne baspa qujattaryn saq­taý baǵytynda jumystar júr­gizilýde. Al tájik tarapy óz ke­­zeginde Qazaqstan baspa­lary men kitap saýda uıym­da­ryn osy jyldyń qazan aıynda Tájikstan astanasynda óte­tin XI halyqaralyq «Dý­­shanbe kitaby» kórmesine sha­qyrdy», dedi mınıstr.

Aıta keteıik, kelesi jyly Tájikstanda Qazaqstannyń Mádenıet kúnderin ótkizý jos­parlanyp otyr.