Innovasııalyq ortalyq

Memleket basshysynyń 100 zamanaýı oqýshylar saraıyn sa­lý baǵdarlamasyn júzege asyrý aıasynda boı kótergen ortalyqta 33 úıirme jumys isteıdi.

Qala ákimi Erbolat Dosaev jańa ortalyq aýdan mektepteri men balabaqshalarǵa jaqyn mań­nan ashylǵanyn jetkizip, eń joǵary standarttar boıynsha bilim berý tehnologııalarymen jab­dyqtalǵandyǵyn atap ótti. Ortalyqtyń ashylýymen Alataý aýda­nynda oqýshylar men ata-analarǵa yń­ǵaıly bilim berý klasteri qurylyp otyr. Arnaıy baǵdarlamalarmen qamtylǵan seksııa­lar balalarǵa mektepte alǵan bilimin tereń­detýge jáne keńeıtýge múmkindik beredi.

Shyǵarmashylyq ortalyqta tigin sheberhanasy, aspazdyq stý­dııasy, sport zaldary, akter­lik sheberhana, mýzykalyq jáne dybys jazý stýdııasy, qys­qy baqta ornalasqan art-stý­dııa bar. Mundaǵy kovorkıng aı­maǵy, balalardyń kóńilin kó­terýge arnalǵan ınteraktıvti proeksııalyq zal jáne oqýshy­larǵa arnalǵan demalys aımaǵy, ashyq terrasa da balalardyń kóńilinen shyqty.

Ortalyqta sonymen birge modeldeý, VR synyptary, avıa­modeldeý, óner­kásiptik dızaın sııaqty seksııalar jumys isteıdi. Balalarǵa kásiptik baǵdar berýge baǵyttalǵan stýdııalar kolledj­dermen jáne joǵary oqý oryndarymen de tyǵyz baılanysty jumys isteıdi. Mysaly, aspazdyq stýdııasy Servıstik qyzmet kór­setý kolledjimen, al fızıka jáne hımııa zertha­nalary qa­ladaǵy joǵary oqý orynda­rymen balalardy tartymdy baǵdar­lamalarymen qy­zyq­tyratyn bolady. Osy oraıda qala ákimi WorldSkills for­matyndaǵy chempıonattarǵa qa­ty­­satyn tájirıbeli tálim­ger­ler men beıindi joǵary oqý oryn­dary men kolledj stý­dent­teri shyǵarmashylyq orta­lyqqa keletin balalarmen yn­ty­maqtastyqty damytýǵa belsene qatysýy qajet dedi.

Ortalyqta erekshe qajet­tilikteri bar balalardy da sek­­sııalarǵa tartý múmkindigi qaras­tyrylǵan. Mysaly, motorıkany damytýǵa baǵyttalǵan sek­sııalar, vırtýaldy kabınet baǵdarlamalary ınklıýzıvti baǵytta iske asady. Munda logoped, defektolog, psıholog mamandar úshin arnaıy zaldar men korreksııalyq kabınetter bar.

ALMATY