Memleket basshysy Qasym-Jomart Toqaev «Ádiletti Qazaqstannyń ekonomıkalyq baǵdary» atty Qazaqstan halqyna Joldaýynda jahandyq ekonomıka jáne halyqaralyq eńbek naryǵy túbegeıli ózgergenin aıtty, dep habarlaıdy Egemen.kz.
«Basqa elder de qarap otyrǵan joq, olar da alǵa qaraı umtylyp, damyp jatyr. Bir sózben aıtqanda, jahandyq ekonomıka jáne halyqaralyq eńbek naryǵy túbegeıli ózgerýde. Tehnologııalyq báseke qyzyp tur. Barlyq jerde resýrstar úshin talas júrip jatyr. Klımattyń ózgerýi, azyq-túlik qaýipsizdigi jáne demografııalyq turǵydan ornyqty damý eń ózekti máselege aınaldy. Bir sózben aıtqanda, adamzat tarıhynda buryn-sońdy bolmaǵan syn-qaterler men túbegeıli ózgerister dáýiri bastaldy», dedi Prezıdent.
Onyń aıtýynsha, osyndaı asa mańyzdy shaqta zor ekonomıkalyq serpilis jasaýǵa elimizdiń tolyq múmkindigi bar.
«Biz birtindep jańa ekonomıkalyq úlgige ótýimiz kerek. Bul jumysty batyl júrgizýimiz qajet. Basty maqsat – qaǵaz júzindegi bıik jetistikterge qol jetkizý emes, shyn máninde halyqtyń turmys sapasyn jaqsartý bolýǵa tıis», dedi ol.