Qosshydaǵy gımnazııa

Jańa oqý jylynan bastap 2,5 myńnan astam oqýshy qazaq jáne orys tilderinde tálim-tárbıe alatyn bolady. Jan ja­dyratar jańa joba Bolat О́te­muratov qorynyń jeke ın­ves­tısııasy esebinen júze­ge asyrylyp, qalanyń bilim qo­­ry­na berildi. Saltanatty jıyn­­ǵa Oqý-aǵartý mınıstri Ǵanı Beısembaev, oblys ákimi Ermek Marjyqpaev, «Vernyı Kapıtal» ınvestısııalyq to­bynyń bas dırektory Erlan Ospanov, Bolat О́temuratov qo­ry qamqorshylyq keńesiniń tóraǵasy Almaz Sharman, ata-analar men oqýshylar qa­tysty. Aq túıeniń qarny jarylǵan qýa­nyshty sátte júzderi jadyra­ǵan ata-analar bir-birin quttyq­tap, meıi­rimdilik mekeniniń jumysyna sát­tilik tiledi. Ob­lys ákimi qut­tyqtaý sózinde bi­lim sala­syndaǵy túıtkildi máse­lelerdiń birtindep sheshilip kele jat­qandyǵyn aıtyp ótti.

– Qosshy qalasynda turǵyn­dardyń kóbeıýine baılanysty mektepterde úsh aýysymdy oqy­tý júıesi boldy. Jańa mek­teptiń paıdalanýǵa berilýi osy bir kúrdeli máseleni to­lyǵymen sheship otyr, – dedi Ermek Mar­jyqpaev.

Syńǵyrlaǵan mektep úıiniń bar saltanaty jarqyraı kór­setildi. Búgingi zamannyń talabyna tolyq jaýap beretin materıaldyq-tehnıkalyq bazamen tolaıym qamtamasyz etilgen. Úsh qabatty bilim osha­ǵynda 56 oqý jáne 19 arnaıy kabınet bar. Sondaı-aq eki sport zaly, keń de jaryq asha­na­sy, qajetti medısınalyq qu­raldarmen jabdyqtalǵan medısına kabıneti ornalasqan.

Kóp qýanyshy eselene tús­ti. Atal­ǵan qalada taǵy bir mektep­tiń ashylý saltanaty ótkizil­di. Sóz ara­synda oblystyń bi­lim salasyn damytýǵa 220 mlrd teń­ge bólingenin aıta kete­lik. Jańa oqý jylynda tórt myń oryndyq 6 bilim osha­ǵy ashylyp otyr. Sondaı-aq jyl sońyna deıin 1 800 oryn­dyq qosymsha 8 bilim berý mekemesin ashý jos­par­lan­ǵan. Bir qýanyshtysy, bilim berý nysandaryn jań­ǵyr­tý aıasynda qaýipsiz ortany qam­tamasyz etý, jıhaz ben kitapha­na qoryn molyqtyrý máse­leleri sheshilip jatyr. Jańa mektepterdi paıdalanýǵa berýmen qatar, burynǵy mektepter de jóndeýden ótkizilý ústinde. Máselen, keıingi eki jylda oblystyń 200 bilim berý meke­mesin jóndeýge 12 mlrd teńgege jýyq qarjy bólindi.

Osynyń barlyǵy meıirim­dilik mekenderiniń jas urpaqqa sapaly bilim, sanaly tárbıe berýine keń jol ashpaq. Jańasha túlegen, ózgeshe saltanatty keıip­ke engen bilim oshaqtary bolashaqtyń sara jolyn ońy­nan túzýge tıisti.

Aqmola oblysy